Muniainek jokatutako partidatan Txetxu Rojo berdindu du

Iker Muniainek, Txetxu Rojo jokalari historiko berdindu du gaur Athletic Clubeko elastikoarekin jokatutako partiden rankingean. Getafe CF taldearen aurkako norgehiagoka honek Athletic Clubeko kapitainaren 541.na suposatzen du. Hain zuzen ere, LaLigako 410 neurketa, 56 Kopan, 4 Superkopan eta 61 Europan (54 Europa Ligan eta 7 Txapeldunen Ligan) jokatu ditu. Orain, 'Rojo I'-rekin batera, bere bizitzako taldean partida gehien jokatu dituen bigarren jokalaria bilakatu da.



Txantreakoak 15 denboralditan lortu du kopuru mitiko hori, eta horrek jokalari nafarrak urte hauetan guztietan taldean izan duen garrantziaz eta denboraldi bakoitzean pilatu dituen partiden zama handiaz hitz egiten du. Gogoan izan behar da Muniainek belauneko bi lesio larri izan zituela eta hainbat hilabetez zelaietatik urrun eduki zutela.

Athletic Clubekin partida gehien jokatu dituzten jokalariak

1. Iribar (614)
2. Muniain (541)
3. Rojo I (541)
4. Joseba Etxeberria (514)
5. Iraola (510)
6. Susaeta (507)
7. De Marcos (503)
8. Piru Gainza (496)