Partida Aurrekoa: Athletic Club-Getafe CF (LaLiga 7. J)

Dinamika bikainean murgilduta dagoen Athletic sentsazio onak luzatzeko eta hirugarren garaipena jarraian lortzeko asmoarekin itzuliko da gaur Katedralera, Reale Arenan jokatuko den euskal derbiari aurre egin aurretik. LaLigan lehen sei jardunaldietan lau garaipen, berdinketa bat eta porrot bakarrarekin erdietsi duelarik, neurketa horietan lau aldiz golik jaso gabe bukatu ondoren, Athleticek Getafe CF talde mardula hartuko du gaur. Partida bizia eta gogorra.


Deialdia



Teknikari zuri-gorriak 22 jokalari deitu ditu talde madrildarrari aurre egiteko. Nolaskoainek eta Nico Williamsek min hartuta jarraitzen dute eta baja izango dira. Bi horiei Iñigo Ruiz de Galarreta gehitu behar zaie, ezin izan baita sendatu Ligako azken partidan izan zuen arazotik. Bestalde, Adu Ares eta Unai Gomez harrobiko jokalariek zerrendatuen artean jarraitzen dute.

Valverde



Errepasatu hemen Ernesto Valverderen adierazpenak osorik, bilbotarren eta madrildarren arteko norgehiagokaren aurretik.

Aurkaria

1946an sortua eta 1983an birsortua, lehoiek estatuko futbolaren barruan mugarri nabarmenak erdietsi dituen aurkari bati aurre egin beharko diote. Madrildarrak 2003/04 denboraldian igo ziren lehen aldiz LaLigara, eta hemeretzigarren denboraldia dute elitean. Denboraldi bateko parentesi bat jasan ondoren, 2016/17 sasoian Bigarren Mailan lehiatuta, Madrilgo hegoaldeko taldea bi aldiz izan da Kopako txapeldunorde eta Europako txapelketetan ere lehiatu da, azkena 2018/19 denboraldian, bosgarren postuan geratu ondoren.

Jose Bordalasen itzulerarekin, Getafek bi garaipen lortu ditu azken neurketetan (CA Osasuna eta Deportivo Alavesen aurka), biak Coliseum Alfonso Perezen jokatutakoak, eta hiru porrot (Real Madrid, Girona FC, eta Real Sociedad taldeen aurka), hirurak etxetik kanpo. 


Estatistikak

2004/05 denboraldian LaLigan lehen aldiz elkarren aurka jokatu zutenetik, Athletic Clubek eta Getafe CFk 36 partida jokatu dituzte guztira maila gorenean eta zuri-gorriek emaitza positiboa izan dute: 11 garaipen, 16 berdinketa eta 9 porrot.



San Mamesen jokatutako partidei dagokienez, lehoiek ere aldeko zenbakiak lortu dituzte. 18 partidatan, Athleticek zortzi garaipen, sei berdinketa eta 4 porrot erdietsi ditu.



Zuri-gorriek eta urdinek Bilboko hiriburuan jokatutako azken bost norgehiagokei dagokienez, emaitzak nahiko parekatuak izan dira: hiru berdinketa eta garaipen bana talde bakoitzarentzat.



Kontsulta itzazu Getafe CF-ren aurkako estatistikak.

Athleticzaleak munduan barrena

Zauden tokian zaudela, ziurtatu zaitez gure Athleticen neurketa ez galtzeaz.