Bilbao Athletic-Barakaldo CF: bazkideentzat informazioa

Bilbao Athletic eta Barakaldo CF taldeek larunbat honetan jokatuko duten partida ikustera joateko izena behar bezala eman duten bazkide guztiak Lezamara joan ahal izango dira bere bazkide txartelarekin (fisikoa edo app ofizialeko "Mi Carnet" ataleko QR "Acceso a Lezama" kodea erabiliz). Guztira 1.906 bazkidek eman dute izena ezarritako epean.

Athletic Clubek berrespen-mezu bat bidali du bazkide bakoitzak eskaera betetzeko erabili zuen helbide elektronikora.

GARRANTZITSUA: Neurketa honetan izena eman ez duten bazkideek ez dute Lezaman sartzeko aukerarik izango, beraz, ezin izango dira 2 zelaira sartu larunbat honetako norgehiagokarako.

Prozesu honen hasieran jakinarazi zen bezala, Klubak asteazken honetan, azaroak 8, bigarren epe bat irekiko du Club Athleticeko kideak eta Gazte Abonoak partida horretara joatea eska dezaten. Sarrera bat eskuratzeko, ezinbestekoa da gaur, asteazkena, 10:00etatik 18:00etara posta elektronikora bidali zaien formularioa betetzea. Izen emateek dauden eserkuen kopurua (501 sarrera) gainditzen badute, zozketa egingo da. Emaitza Athletic Cluben webgune ofizialean argitaratuko da.