“Urteko partida egin behar dugu"
“Urteko partida egin behar dugu"
David Aznarrek nabarmendu du taldeak dena emango duela: "Bihar final bat jokatuko dugu, hoberenen aurrean eta zaletasun harrigarri batekin".
David Aznar hedabideen aurrean agertu da ostegun honetako Kopako finalerdiaren atarian (19:00etan), San Mamesen, Bartzelonaren aurka. Zuri-gorri teknikariak, martxoaren 8aren bezperan, azpimarratu du, "egun oso berezia da emakumezkoen kirola sustatzeko eta berdintasunaren aldeko bultzada hori emateko. Oso polita izango da bertan gauden guztiok gozatzeko. Talde handi baten aurkako kanporaketa da, hoberenekin neurtuko gara. Zalantzarik gabe, erronka handia da eta hobetzeko aukera paregabea ".
Bartzelonako taldeari dagokionez, Aznarrek onartu du "argi eta garbi inork aurre egin nahi ez dion aurkaria dela. FC Bartzelona da talderik hoberena eta onenen aurka jokatzea beste motibaziorik ez dago ".
Kanporaketa zaila izan arren, Athleticeko entrenatzaileak San Mames eta zuri-gorri zaleen paper garrantzitsua azpimarratu du: "San Mamesen jokatzea atsegin dugu, animatuko gaituen eta erortzen utziko ez gaituen zaletasun izugarria dugu. Bihar, bide luze honetan egon diren zaleak gurekin borrokatzen ikusiko ditugu".