Partida Aurrekoa: RC Celta-Athletic Club (LaLiga 36. J)

Athleticek Abanca Balaidos estadioa bisitatuko du LaLigari geratzen zaizkion azken hiru norgehiagoketan ahalik eta puntu gehien lortzeko helburuarekin.

Valverderen taldeak jaitsiera saihesteko borrokan murgilduta dagoen RC Celta izango du aurkari. 



Deialdia

Entrenatzaile zuri-gorriak 23 futbolari deitu ditu talde galiziarraren aurka jokatzeko. Zigortuta zeudelarik azken partida jokatu ezin izan zuten bi atzelariak, Yeray Alvarez eta Aitor Paredes, deialdian sartu dira. Bestalde, Sancet, Muniain, Nico Williams eta Yuri, azken hau txartel zikloa betetzeagatik, baja dira. Deialdia Egiluzek, Jauregizarrek, Rinconek eta Olabarrietak osatzen dute, Bilbao Athleticekoak. 

Valverde

Errepasatu hemen 36. jardunaldiaren atarian Ernesto Valverdek egindako adierazpenak. Getafe CFren aurkako lehian kanporatua izan ostean, teknikariak zigortutako bigarren partida beteko du eta ezin izango da aulkian eseri.

Aurkaria

1923ko abuztuaren 23an sortua, Real Fortuna eta Vigo Sportingek bat egin ondoren, RC Celtak 100 urte bete berri ditu. Zelestarrek 1939/40 denboraldian egin zuten debuta Lehen Mailan, eta ordutik 58 ikastaro egin dituzte elitean, azken hamabiak jarraian, 2011/12an azken aldiz gora egin ondoren. Bere sailkapen historikorik onena 2002/03 denboraldian lortutako laugarren postua da, hurrengo urtean Txapeldunen Liga jokatzeko aukera eman ziona. Final-hamaseirenetara iritsi zen eta Arsenalek kanporatu zuen. Gainera, 2000/01 denboraldian Intertoto titulua lortu zuen eta egungo Europa Leagueko hainbat ediziotan parte hartu du, non 2016/17an finalerdietara iristea lortu zuen. Bestalde, hirutan izan da Kopako finalista.

Gaur egun, Celta Fortuna zuzentzen hasi zen Claudo Giraldez teknikariak zuzentzen du taldea. Rafa Benitezek hasi zuen denboraldia aulkian, baina emaitza txarren ondorioz, RC Celtako agintariek kargutik kentzea adostu zuten. Galiziarrak, denboraldi osoan ez jaisteko borrokan murgilduta egon direnak, 17. postuan kokatu dira, 34 punturekin, jaitsieratik bost puntura. 

 

Estatistikak

LaLigan 1939/40 denboraldian lehen aldiz jokatu zutenetik, bi klubek 115 partida jokatu dituzte maila gorenean. Talde zuri-gorriak honako balantzea hau du: 61 partida irabazi dituzte, 24 berdindu eta 30 galdu.



Abanca Balaidosen jokatutako 57 norgehiagokei dagokienez, Athletic Clubek 19 garaipen, 13 berdinketa eta 25 porrot erdietsi ditu orain arte.



Bi taldeek RC Celtaren zelaian jokatutako azken bost neurketak erreparatuz, Athleticek bi garaipen lortu, beste hainbeste aldiz galdu eta berdinketa lortu du.


Kontsultatu RC Celta eta Athletic Cluben arteko neurketen estatistika guztiak.

Ordutegiak eta non ikusi RC Celta - Athletic Club partida

RC Celta eta Athletic Cluben arteko LaLiga EA Sportseko 36. jardunaldia maiatzaren 15ean, asteazkenean, 22:00etan, Abanca Balaidos zelaian jokatuko da.

Gol Play eta DAZN bidez jarraitu ahal izango da, baina munduko beste edozein lekutatik ikusi nahi baduzu, hemen duzu lehia eskainiko duten telebista-operadoreen zerrenda luzea.