Athleticek ACtibaTHuz Ibilaldi Neurtua aurkeztu du

Athletic Clubek beste komunitate-ekitaldi bat antolatu du gizartea mobilizatzeko eta bizi-ohitura osasungarriak sustatzeko. ACtibaTHuz izenarekin, lehiarik gabeko martxa arautua sortu da, eta ibilbide nagusian Klubaren bi egoitza lotuko ditu: Lezamako kirol instalazioak eta San Mames zelaia. Horrez gain, ibilbide nagusiari gainjarritako beste bi ibilbide aurreikusi dira: bata, familiarragoa eta ez hain zorrotza, 12:00ak aldera irtengo dena Artxandako gainean, funikularraren ondoan, eta bestea, Guggenheimen 12:45 aldera abiatuko den mugikortasun urriko pertsonei zuzendua. San Mamesera eguerdiko 13:00etan iritsiko dira.
 

Antolakuntza arrazoiak direla eta, 700 pertsonak baino ez dute parte hartuko: 300 pertsonak Lezama – San Mames ibilbide nagusian; 200 pertsonak Artxanda – San Mames lehen ibilbide alternatiboan; eta 200 pertsonak Guggenheim – San Mames ibilbide laburrenean. Izen-emateak 10 €-ko kostua du ibilbide osorako eta 7 €-koa Artxandatik abiatzen denerako, eta Fundazioaren erabiltzaileentzat doakoa eta esklusiboa da Guggenheimetik ateratzen dena.

Izena emateko epea zabalik dago gaur hasi eta lekua bete arte ondorengo esteketan:

• 1.Ibilbidea:Lezamako Athletic Clubeko instalazioen atzealdeko aparkalekutik. 9:30ean >> Tiketak
• 2. Ibilbidea: Irteera Artxandako funikularraren ondoko karpatik. 12 ordu >> Tiketak

Probaren araudia eta informazio interesgarria

Antolatzaileek martxa zabaltzeko taldea izango dute, baina parte-hartzaileek ez dute talde hori aurreratu beharko, martxa ez baita lehiakorra.

Ibilbidea, eguneko baldintza meteorologikoak eta antolatzaileek aurreikusitako ordutegi-kalkuluak hartuko ditu kontuan.

Ibilbidean zehar laguntza emango duten pertsonak egongo dira, bai eta ixteko eta laguntzeko taldea eta osasun-laguntza ere, aukeratutako hainbat gunetan.

Antolakuntzak ibilbide osoa eta beste bi aukeretakoak hartuko ditu kontuan.

‘Los Leones de Artxanda’ jatetxeko aparkalekua ibilbide luzerako hornidura-gune bakarra izango da.

Leku hori eta pasaguneak garbi geratuko dira, eta edukiontziak jarriko dira hondakinak kentzeko.

Martxa hastean eguraldi txarra badago, antolatzaileek ibilbidea bertan behera utzi, atzeratu edo aldatu ahal izango dute.

Martxa borondatez utzi nahi duen edozein parte-hartzailek gertuen duen erakundeko langileei jakinaraziko die.