Udan Athletic Club utzi zuten futbolariei San Mamesera gonbidapena

Denboraldi honetan Athletic Cluben bere ibilbidea amaitu zuten futbolarietatik dozena bat gonbidatu zituen Lezamak lehen taldeak Valencia CF taldearen aurka jokatutako partida San Mameseko VIP gunean jarraitzera. Lezamako arduradunak, Sergio Navarrok, eta jokalariaren arretarako taldeak, David Rincon eta Mikel Garcia buru zirela, gidatu zituzten gure gazteak, erakundetik irtendako jokalari guztien ordezkariak, gonbidatu guztiak ezin izan baitziren joan, klub berriekin hartutako konpromisoengatik. Klubaren asmoa aurrerago gure jokalari ohiekin jardunaldi berezi bat egitea da, San Mamesen jokatuko den Emakumezkoen partida batean.

Ekimen honen bigarren edizioa da, iaz hasi zena. Unai Simonek harrera egin zien bilera baino ordubete lehenago, eta bufanda zuri-gorria eman zien. Behin norgehiagoka amaituta, Zuzendaritza Batzordeak palkoan hartu zituen, Jon Uriarte presidentea buru zela.

Ondoren, kapitainetako bat, Iñigo Lekue, eta Beñat Prados aritu dira beraiekin belar gainean. Lehena Danok Bat taldetik iritsi zen Gazte Mailan eta bigarrenak, UC Txantreatik heldu ondoren, CD Mirandesen urtebeteko lagapena egin behar izan zuen, lehoi bilakatzeko. Egun ahaztezina haientzat guztientzat. Hainbat gairen artean, egunen batean zuri-gorriz berriz janzteko ametsa eta ikasketetan bost zentzumenak jartzea izan zituzten hizpide. Egun ahaztezina izan zen haientzat guztientzat. Williams anaiak eta Sancet azken hitzaldira eta agurreko argazkira ere batu ziren.