Realaren aurkako derbia, denboraldiaurreko azken proba

Datorren igandean, irailak 8an, lehiaketa ofiziala hasi baino lehen jokatuko den azken proba izango da honakoa. Ez da edonolako proba izango, Realaren arituko da talde zuri-gorria bihar Berazubin (Tolosan). Hitzordua 16:00etan hasiko da (ETB-1), denboraldiaurreari amaiera emateko proba ezin hobea izango dena.

Lehoien kasuan, Liga Fko talde beste aurkari bat izango du aurrean udako prestaketari agur emateko; izan ere, David Aznarren taldeak goi-mailako aurkarien aurka aritu da. CA Osasunaren norgehiagoka izan ezik, asteazkenean elkarren aurka aritu ziren Dulantzin eta lehoiek EH Kopako txapelketako finalerdietan talde gorritxoa mendean hartu zuen. Amos French Cup txapelketan Txapeldunen Liga jokatuko duten kluben aurka lehiatu eta sentsazio onekin bukatu ostean, Athleticek EH Kopako hamargarren garaipena lortu nahi du.

Azken aurrekaria 2023ko finala izan zen, Athletic 4-2 Lezaman nagusitu zenean. Aurretik, 2022ko edizioan, Berazubin ere jokatutakoan, donostiarrak 3-1 nagusitu ziren finalerdian eta, txapelketaren historian lehen aldiz, zuri-gorriek ezin izan zuten garaikurra lortzeko lehian egon.

Denboraldi honetan, Reala entrenatzailea aldatu da aulkian, eta Jose Luis Sanchez Vera (Atletico Madril eta Levante UD taldeko teknikari ohia) eta Erika Vazquez (Athleticeko jokalari mitikoa) izango dira etapa berri honen gidariak. Talde gipuzkoarrak hainbat jokalari fitxatu ditu zelaiko gune desberdinak indartzeko eta sailkapeneko goiko postuetara gerturatzeko. Derbiek beti dituzte pizgarri nahikoak, eta Athleticen eta Realaren arteko lehen partida hau ez da salbuespena.

Athletic Cluben deialdia:

Quiñones, A. Nanclares, Maddi, Valero, Oguiza, Itxaso, Sanadri, Mariana, Azkona, Gara, L. Baños, Pinedo, Nerea Nevado, Elexpuru, Bibi, P. Zugasti, Estefa, Vilariño, Agote eta Laida.