"Partida arriskutsua da"

Igande honetan, 12:00etatik aurrera, Lezaman, Athletic Clubek eta Valenciak neurtuko dituzte indarrak F Ligako 7. jardunaldian. Che taldeak puntu bakarra lortu du orain arte, baina David Aznar ez da fio eta partida oso zaila izango dela uste du. Hala adierazi du partidaren aurretik prentsa aretoan egin ohi duen agerraldian.

Athleticek hiru puntu lortu zituen joan den asteburuan Ipuruan lortutako garaipenari esker eta Aznarrek dio "ez genuela Ipuruan bizi dugunaz bestelako ezer espero. Berdinketarekin talde honek duen bihotza atera zuen. Partidak azken minutura arte borrokatzen ditugu beti. Aipatzeko modukoa da, zailtasunen aurrean hazi egiten baikara. Aurten gutxirekin iaz baino kalte handiagoa egiten dugu eta erasoan eraginkorragoak izaten ari gara".

Azken emaitza aldekoa izan arren, entrenatzaileak uste du bere taldea ez dela sentsazio onenak aurkitzen ari berdegunean: "Baloiarekin lasaitasun pixka bat falta zaigu eta hasiera zaila izan dugu sei partidatan lau irteera izanda", esan du. Hala ere, David Aznar lasai agertu da taldearen martxarekin: "Gure ligan gaude. Ez gara iaz bezain alai aurkitu jokoan. Egia da jokalariek gainditu beharreko aurkaria garela dioen errespetu hori irabazi dutela, baina pauso bat eman behar dugu maila gorenean lehiatzen jarraitzeko", esan du.

“Ez gaude konfiaturik"

Igande honetako Valencia FCFren aurkako partidari dagokionez, Davidek "oso partida arriskutsua" dela uste du. "Talde horiek noizbait irabazi egin behar dutela uste duzu, eta beti espero duzu zure aurka ez izatea". Entrenatzailea zuri-gorriak gogorarazi du Valentziako taldeak gauzak ondo egin dituela, emaitza txarrak jaso arren. Amaitzeko, etxeko garaipenen bidera itzultzeko nahia azaldu du, "baina ez goaz konfiantza askorekin, nahiz eta azken sailkatuaren aurka jokatu".