Festa zuri-gorria Debagoienan

Mendeurrenaren eta Txapeldunen Ligako denboraldiaren oihartzunek 1999ko udaberrian Bergarako athleticzale mordoa animatu zuten herrian peña bat eratzera. Ahalegin hark sendotasunez eman zuen fruitua eta 2024 honetan osasunez gainezka dago. Juan Carlos Rivero presidentearen eskutik, Bergaran 200 bazkide inguru izatera iritsi dira, eta horrek gure peñetako indartsuenetako bat bihurtu ditu, Gipuzkoan ez ezik, oro har, Bizkaitik kanpo ere.

Debaren ertzean ere oso urte berezia zergatik izan den azaltzeko, ez dago xehetasunetan luze ibili beharrik. Maiatzean, labetik atera berria zen La Cartujako Koparekin, goitik behera ospatu zuten 25. urtebetetze festa. Orain, azaroko geldialdia aprobetxatuz, Matxiategi kaleko Toki Ona Bodegoian, lehen egunetik Bergarako aterpe zuri-gorria bezala jarraitzen duena, ospakizunak ixten joateko unea izan da.

Basalgo auzoan ongietorria beroa izan da, gure lehen taldeetako jokalarien presentziarekin. Leire Baños, Ane Elexpuru, Adama Boiro eta Alex Padilla gerturatu dira bertara; Andoni Goikoetxeaz gain, lehoi ohia ere erreklamatuenetakoa izan da.