Burdinezko lehoiak
Burdinezko lehoiak
Emakumezkoen lehen taldeak gizonezkoen lehen taldeak Europa Leaguen erabiltzen duen #UniqueInTheWorld identitate bisual bera jantziko du Kopan
Athleticek Erreginaren Kopako final-zortzirenak jokatuko ditu igande honetan, abenduaren 22an, 13:00etan, CP Cacereñoren aurka. Europa Leagueko gizonezkoen lehen taldeak bezala, neskek #UniqueInTheWorld identitate bisuala izango dute Kopako janzkeran, Klubak sortua eta Fede eta iraunkortasunaren ikurra den burdinaren ezaugarrietan inspiratua.
Horrela, kanporaketa honetatik aurrera – eta askoz gehiagotan espero dezagun – lehoien dortsalen izenek eta zenbakiek burdinazko nortasuna duen klub baten historia ere kontatuko dute. 2002ko urriaren 6an hamaika emakumek Athleticen armarria lehen aldiz partida ofizialean defendatu zutenetik, emakumezkoen lehen taldeak Athletic Cluben eta bere zaleen ezaugarri diren fede eta iraunkortasuna irudikatzen eta indartzen du.
Burdina, Athleticen sorrerari eta euskal lurrari hain lotua dagoen metala, haran berdeak, muino gorriak... Klubaren nortasun bisuala inspiratzen duen irudia da eta denboraldi honetan UEFA Europa Leagueko eta Kopako lehiaketetan ikusi ahal izango da. Estiloak Bilboren iragan metalurgikoa eta XX. mende hasierako kartelak ekartzen ditu gogora, indarra eta erresistentzia iradokitzen duten iturri geometrikoekin.