Izapide digital gehiago webgune ofizialean eta Bazkideen Txokoan
Izapide digital gehiago webgune ofizialean eta Bazkideen Txokoan
Eskuragarri dago jada push jakinarazpenen zerbitzua web-nabigatzailean albiste nabarmenentzat eta Txokoan prozesuak zabaltzeko eta bazkide izateko itxaron-zerrendan izena emateko online eskaera
Duela egun batzuk Bazkideen Txokoan eskuragarri dauden zerbitzuetan egindako hobekuntza batzuen estreinaldian iragarri zen bezala, nahi duten bazkideek dagoeneko harpidetu daitezke euren web nabigatzailearen push jakinarazpenetara (Chrome, Safari, Edge, Firefox...), Txokoaren albiste garrantzitsuenekin jakinarazpenak jasotzeko edo zozketetan izena emateko epea zabaltzearekin (kanpoko partidetarako sarrerak, haurra, argazkia hasierako 11koarekin, palkoa...).
Bazkideek mota batean edo bietan harpidetu beharko dute Txokoko Komunikazio Lehentasunak atalaren edo nabigatzailearen beraren bitartez. Garrantzitsua: push jakinarazpen horiek gailu bidez dabiltza; beraz, erabiltzen duzun gailu eta/edo nabigatzaile bakoitzean aktibatu beharko dituzu. Informazio gehiago Bazkideen Txokoan.
Bazkide berria izateko online eskaera
Gainera, webgune ofizialean Klubeko bazkide bihurtzeko alta eskaera online egiteko aukera dago, orain arte San Mameseko Bazkideen Arretarako Bulegoan bakarrik egin zitekeena.
GARRANTZITSUA: Zuzeneko ondorengo bat (seme-alaba edo biloba) proposatu nahi duten 25 urtetik gorako bazkideek Txokoan horretarako dagoen atalaren bidez bakarrik egin dezakete (Izapideak/Bazkide bihurtzeko ondorengoa proposatu).