"Real Betisek arrisku handia du aurrealdean"

Azken entrenamendua egin eta bihar Sevillara abiatu aurretik, Ernesto Valverdek agerraldia egin du Lezamako prentsa aretoan, igandean, 21:00etan, Benito Villamarinen jokatuko den Real Betis-Athletic Club partidaren atarian.

LaLigako 22. jardunaldiko partidari buruz hitz egin aurretik, Ernesto Valverdek honakoa adierazi du Maroan Sannadi aurrelaria 2029ko ekainaren 30era arte fitxatzeari buruz galdetua izan denean: "Jakina, maila batetik bestera jauzia dago eta kosta egingo zaio egokitzea, baina ahalik eta denbora laburrenean izatea espero dugu. Erreferentziazko aurrelaria da, Guruzetaren profila baino ez genuena, Martonena profil desberdina delako. Ongi etorria eman diogu eta espero dugu dena ondo joatea. Entrenatzen ikusiko dugu eta ikusiko dugu zer nolako prestutasuna izango duen biharko neurketari begira".

Andaluziarren eta bilbotarren arteko norgehiagokan zentratuta, Athletic Clubeko entrenatzaileak erasoko eremuan Sevillako taldeak duen potentzial handiaz ohartarazi du: "Real Betisek aldaera asko ditu, baina Isco funtsezko jokalaria da eskeman. Jokoan asko sartzen bada, ondo badago eta haientzat garrantzitsua izaten bada, guretzat txarra izango da. Asistentzia, gola eta aurrera egiteko kalitatea ditu. Lo Celso ere erabakigarria da, ikuspegi teknikotik, partida bat konpon diezazukeelako. Eta Antony bezalako jokalari bat eskuratu dute. Goian arrisku handia duen taldea da".

Gainera, entrenatzaile zuri-gorriak Real Betis Europako txartelarenb sarbidea ematen duten postuengatik aurkari posible gisa ikusten du: "Azken urteetan sailkapenean emaitza onak lortu dituen eta Europan jarraitasunarekin sartu den taldea da. Aurkari gogorra da beti, eta aurten ere postu horietan sartzeko borrokatuko da berriro".

Hala ere, lehoiek, 40 punturekin laugarren postuan sailkatuta, Kopa irabazi ondoren bisitatuko dute lehen aldiz Sevilla, azken urteetako estatistikei begiratu gabe: "Batzen jarraitzeko gogoa dugu. Ez diegu begiratzen azken urteetako estatistikei. Ez zaigu gehiegi axola. Aurreko jardunaldian hiru puntu garrantzitsu lortu zituzten, euren taldea indartu dute eta partida ona izango dela uste dut".