“Denboraldi honetako ezusteko taldeari aurre egin beharko diogu”

San Mamesen jokatutako partiden zikloa amaitu ondoren, Athletic Clubek Liga F-n lehiatuko du berriro, 20. jardunaldian, Granada CF taldearen aurka. Komunikabideen aurrean teknikari zuri-gorriak aitortu duenez, "galtzea beti da mingarria. Jokalariek ez dute normaltzat hartzen galtzea, nahiz eta Real Madriden aurka izan. Oso talde gaztea dugu eta guk baino esperientzia handiagoa duten taldeekin borrokatzen ari gara".

Iragan asteburuko porrota atzean utzita, Aznarrek baieztatu du Pinedok giharretako lesioa sendatzen jarraitzen ari dela, Valerok ez duela bidaiatuko San Mamesen bosgarren txartel horia ikusi zuelako eta Oguiza taldekideekin batera entrenatzen hasiko dela aurki.

Bihar, 12:00etatik aurrera, talde andaluziarraren kirol hirian, sailkapenean oso gertu dauden  bi talderen arteko norgehiagoka jokatuko da. Athletic Club laugarren da 35 punturekin eta granadarrak seigarren 33 punturekin. "Goiko postuetatik ez aldentzen saiatuko gara eta orain partida zaila dugu Granadan. Asko kostatu zitzaigun Lezaman irabaztea, lehen minutuetan gol bat jaso genuen eta  maldan gora jarri zitzaigun norgehiagoka", gogoratu du Davidek.

Dinamika onean dagoen eta Edna golegile nagusi duen Granada CF

Entrenatzaile zuri-gorriak igandeko aurkaria "denboraldiko ezusteko taldea" dela esan du, eta Arturo Ruiz entrenatzailearen lan bikaina eta iaz hainbeste nabarmendu ez ziren jokalari batzuen errendimendua azpimarratu ditu. "Dinamika positiboa bizitzen ari dira eta kostako zaigu. Granadak etxean jokatu du Kopa eta uste dut prest egongo dela. Irabazten badigute, gu aurreratzeko aukera dute", ohartarazi du David Aznarrek.

Iragan ostegunean Los Carmenesen jokatu zuen talde andaluziarrak eta 0-2 galdu zuen finalerdietako joanekoan Atletico de Madriden aurka, eta Edna Liga F-ko bigarren golegile nagusiena da, 12rekin. Nigeriarrak joanekoan ere gola sartu zuen Lezaman eta Athletic Clubeko hiru jokalari ere (Naroa Uriarte (belauneko lesioarekin), Paula Arana eta Amaia Iribarren daude taldean utzita.

Azkenik, denboraldiaren azken txanpari dagokionez, David Aznarrek honakoa esan du: "Atletico de Madridekin lehia zuzena dugu eta gure esku dago. Inork ez ditu 10 partida perfektu egingo. Sentsazioa da ligak izugarrizko berdintasuna duela jardunaldi bakoitzean. Ezustekoren bat dagoenean, saria lehiaketarekin azkarren konektatzen denak izango du. Denboraldi amaiera polita izango da eta astero final bat balitz bezala egingo diogu aurre".