Europa League: final-laurdenetako txartelen aktibatzea

Martxoaren 17tik (asteartea) martxoaren 31era (osteguna) arte (10:30), Athletic Clubek Bazkide edo Gazte Abonoaren txartela online aktibatzeko epe esklusiboa eskaintzen du, San Mamesen jokatuko den Rangers FC aurkako UEFA Europa Leagueko final-laurdenetako itzulerako partidarako. Epe horretatik kanpo, Klubak ezin izango die bermatu bere ohiko eserlekua Bazkideei edo Gazte Abonoei. Gainontzeko kolektiboentzako eta publiko orokorrarentzat erosketa-epea zabaltzean, bazkideek sarrera prezio murriztuan erosten jarraitu ahal izango dute, betiere bukatu ez badira. 
 

AKTIBATU ZURE TXARTELA
 

Bazkideentzako eta Gazte Abonoentzako epe esklusiboa igaro ondoren, hauek izango dira sarrerak erosteko epeak:

• Bazkideak, Gazte Abonoak eta Club Athletic Premium kideak: apirilaren 2ko, asteazkeneko, 12:00etatik aurrera.
• Club Athletic kideak: apirilaren 3ko, osteguneko, 12:00etatik aurrera.
• Publiko orokorra: apirilaren 5eko, larunbateko, 12:00etatik aurrera.
   

AS Romaren aurkako final-zortzirenetarako sarrera erosi zuten bazkideek %5eko deskontua izango dute partida honetako sarreraren prezioan. Deskontu hori automatikoki aplikatuko zaio bazkidentzako prezio ofizialen taulako prezioari. Era berean, final-laurdenetako neurketa honetan bazkide-txartela aktibatzeak edo bazkide-txartela eskuratzeak %5eko deskontua emango du (Athletic Club sailkatzen bada) finalerdiko kanporaketan.

Gainera, bazkidea final-laurdenetako norgehiagokara joateak, txartela aktibatzearekin edo bazkide gisa sarrera bat eskuratzearekin lotuta, aukera gehiago ematen du denboraldi honetan San Mamesen jokatuko den Europa Ligako finalerako balizko zozketa baten aurrean. Bazkide guztiek parte hartu ahal izango dute zozketa hipotetiko horretan, baina bazkide bakoitzak San Mamesen Europa Leagueko partidetara joan den adina parte hartze izango ditu, gehi beste parte hartze bat bazkide izateagatik.
 

Bazkideen txartelak San Mameseko leihatiletan ere aktibatu ahal izango dira, Osasunaren aurkako partidaren txarteldegien irekiera ordutegian (martxoak 28). Rayo Vallecano (eguna eta ordua baieztatzeke) eta Rangers FC (apirilak 17) taldeen aurkako neurketetan lehiatilak irekitzen diren bitartean, posible izango da ere bazkide txartela aktibatzea, baina ezin izango zaio ziurtatu ohiko eserlekua eta, oro har, sarreren eskuragarritasuna.

Hego Eraztunean eserlekua duten bazkideek 45 € erosi ahal izango dute sarrera, eta horri %5eko deskontua aplikatuko zaio AS Romaren aurkako final-zortzirenetako sarrera erosi bazuten.

Bestalde, Gazte Abonoek final-laurdenetako partida honetarako abonua aktibatu ahal izango dute 25 euroren truke.

112, 301, 324 eta 333 blokeen eraginpeko bazkideak

UEFAk eskatuta, bazkide batzuek ez dute bere ohiko tokirik San Mamesen Europa Leagueko partidetara joateko. Zehazki, hauek dira eragindako eserlekuak:

• 112 blokea: 01 ilara (01etik 31ra bitarteko eserlekuak) / 02 ilara (01etik 31ra arteko eserlekuak) / 03 ilara (01etik 31ra arteko eserlekuak) / 04 ilara (01etik 31ra arteko eserlekuak) / 05 ilara (01etik 31ra arteko eserlekuak) / 06 ilara (01etik 31ra arteko eserlekuak) / 07 ilara (01etik 31ra arteko eserlekuak) / 08 ilara (01etik 31ra arteko eserlekuak) / 09 ilara (01etik 27ra arteko eserlekuak)
• 301. blokea: 16. ilara (01etik 27ra bitarteko eserlekuak) / 17. ilara (01etik 27ra bitarteko eserlekuak) / 18. ilara (01etik 27ra bitarteko eserlekuak).
• 324 blokea: 01 ilara (01etik 15erako eserlekuak) / 02 ilara (01etik 15erako eserlekuak) / 03 ilara (01etik 16rako eserlekuak) / 04 ilara (01etik 16rako eserlekuak) / 05 ilara (01etik 17rako eserlekuak)/06 ilara (01etik 18rako eserlekuak) / 07 ilara (01etik 16rako eserlekuak) / 08 ilara (01etik 17rako eserlekuak)  / 31 ilara (29ko eserlekua).
• 333 blokea: 16. ilara (01etik 27ra bitarteko eserlekuak) / 17. ilara (01etik 27ra bitarteko eserlekuak).

Athletic Clubek betebehar hauek eragindako eragozpenak deitoratzen ditu eta bazkideei sarrerak erosteko aukera emango die gainerako bazkideen epe esklusiboa amaitu eta berehala, aukeratutako eserlekuaren prezioaren %50eko deskontuarekin.

Bazkideentzako sarrerak erosteko epea apirilaren 1ean (12:00etan) hasiko eta apirilaren 2an (12:00etan) amaituko da, Klubeko gainerako kolektiboentzako eta publiko orokorrarentzat sarreren salmenta aktibatu aurretik.