Klubek eta federazioek Lezamara egindako bisitak
Klubek eta federazioek Lezamara egindako bisitak
Arsenal, Brighton, River Plate, Olympique Lyonnais eta PSV Eindhoven, besteak beste, baita Herbehereetako, Ingalaterrako edo Finlandiako federazioek ere, instalazio zuri-gorrietatik desfilatu dute ideiak trukatzeko programen eta AC Football Centeren Coaches programaren barruan.
Athletic Clubek, futbolarien prestakuntzari eta AC Football Centeren Coaches programaren ustiapenari buruzko ideiak trukatzeko dinamiken barruan, atzerriko klub, federazio eta liga ugari jaso ditu azken asteetan Lezamako instalazioetan. Erakunde aipagarrienen artean daude Arsenal FC eta Brighton and Hove Albion FC ingelesak, CA River Plate, Olympique Lyonnais eta PSV Eindhoven.
Herbehereetako (26 ordezkari ekarri zituzten), Ingalaterrako (harrobiko selekzioetako teknikariekin eta selekzio absolutuko analista batekin etorri ziren) eta Finlandiako (Athletic Clubek hainbat denboralditan elkarlanerako etapa amaitu berri du) federazioek ere esperientzia bizi izan dute.
Olympique Lyonnaiseko teknikaria 19 urtez azpiko taldeko entrenatzaile batekin eta Psikologiako arduradunarekin lantalde batean murgildu ziren, eta bere lan-plana oso ezaguna den harrobi batean aurkeztu zuten. Brightonek eta Parma ACk Lezamak jokalarien prestakuntzan egindako lanean sakondu zuten, eta Arsenalek, berriz, berdinen arteko bilera bat egin zuen bost profil ezberdineko teknikariekin.
Fase honetan parte hartu dute, baita ere, Toulouse FCko oinarrizko futboleko koordinatzaileak, CA River Plateko analisi eta datu zuzendariak eta PSV Eindhoveneko lau prestakuntza arduradunek. Horiek ere euren proiektua azaldu zuten, bere kluba Champions Leaguen murgilduta zegoela, txapelketako final-hamaseirenetan Juventus taldea kanporatu zuelarik.
Bestalde, datozen asteetan Lezaman izango dira SL Benfica eta West Ham United taldeak.