Iñigo Ruiz de Galarretak bi denboraldiz luzatu du bere kontratua
Iñigo Ruiz de Galarretak bi denboraldiz luzatu du bere kontratua
Eibarko erdilariak 74 partida jokatu ditu azken bi denboraldi hauetan (39 aurten), eta 2027ko ekainaren 30era arte sinatu du
Athletic Clubek eta Iñigo Ruiz de Galarretak akordioa lortu dute bere kontratua bi denboraldiz luzatzeko, 2027ko ekainaren 30era arte. Erdilariak, kimu mailatik Lezaman hezia, errendimendu handia eskaini du RCD Mallorcatik Bilbora duela bi urte itzuli zenetik eta 74 partida jokatu ditu. Jon Uriarte presidentea eta Mikel Gonzalez Futboleko zuzendari nagusia San Mamesen izan dira sinadura ekitaldian.
31 urterekin, Galarretak paper garrantzitsua izan du Ernesto Valverderen eskeman San Mamesera itzuli zenetik, zelai erdian oreka, joko ikuspegia eta nortasuna erakutsiz. Azken denboraldi honetan, 39 neurketa ofizial jokatu ditu LaLigaren, Koparen eta Europa Leaguearen artean. Lau gol-asistentzia eman ditu, eta funtsezko futbolari gisa sendotu da, bai baloiaren irteeran, bai jokoaren antolaketan.
Eibarren jaioa, 2011n egin zuen debuta lehen taldearekin, eta txapelketa profesionaletako hainbat klubetan (CD Mirandes, Real Zaragoza, FC Barcelona, UD Las Palmas eta RCD Mallorca) hazi ondoren, Bilbora itzuli zen esperientzia egiaztatuarekin eta iragan denboraldian Kopa irabazi zuen.
Berritze hau bat dator Klubaren politikarekin eta sinatutako kontratuak Klubak azkenaldian egindakoen ildo beretik jarraitzen du, soldata-egitura finkoarekin eta helburuen araberako osagai aldakorrarekin.
Galarretak bere poza adierazi du kontratu berria sinatu ostean: "Oso pozik nago amets hau beste bi urtez luzatu ahal izango dudalako eta egunero gozatzeko gogoz. Sekulakoa izan da etxera itzultzean bizitako guztia, eta ilusio handiz begiratzen diogu datorrenari. Duela gutxi urteak pilatzen ari nintzen Bigarren Mailan, eta hori ere oso zaila da eta asko baloratzen nuen, eta datorren denboraldian Txapeldunen Ligako ereserkia entzun ahal izango dut San Mameseko berdegunean".
Mikel Gonzalez Futbol zuzendariak aldagelan daukan pisua nabarmendu du: "Funtsezko jokalaria da gure joko-sisteman, eta bi denboraldi hauetan ezinbestekoa izan da helburuak lortzeko. Oso adimentsua, partidaren denborak eta faseak menderatzen ditu beti, ondo aukeratzen du eta taldea antolatuagoa bihurtzen du. Gainera, eredugarria da profesionaltasunean eta zehaztasunean datozenentzat. Futbolari errespetatua eta maitatua".