Eider Aranak 2028ra arte berritu eta lehen taldea indartuko du

Athletic Clubek eta Eider Aranak akordioa lortu dute atzelariaren kontratua 2028ko ekainaren 30era arte luzatzeko. Loiuko futbolaria, lehen taldera batuko dena, SD Eibarren utzita egon da azken bi denboraldietan eta bertan protagonismo handia izan du. 60 partida jokatu ditu, horietatik 56 Liga F-n, hiru gol sartuz. Bere itzulerako akordioa Ibaigane Jauregian sinatu da, Jon Uriarte presidentearekin eta Xabier Arrieta Emakumezkoen Futbol zuzendariarekin batera.

Esan liteke Aranak, erdiko atzelari ezkertiak, 23 urterekin futbol profesionaleko master oso bat egin duela SD Eibarren eskutik, non azken bi urteetan utzita egon da. Amaitu berri den denboraldi honetan, Liga F-ko 28 partida jokatu ditu, guztiak osorik eta titular gisa. Eta 2023/24 denboraldian, ez zen oso desberdina izan, Ligako 26 neurketatan eta Kopako hirutan parte hartu baitzuen, eta, gainera, txapelketa nagusian daramatzan hiru golak sartu zituen.

Bizkerre FT taldean hezia, 15 urterekin iritsi zen Lezamara 2017/18 denboraldian, eta ordutik C taldearekin eta bigarren taldearekin txandakatu zuen bere partaidetza. 2018/19an, Reto Iberdrolara igotzea lortu zuen, eta urtebete geroago taldea txapeldun izendatu zen. 2023ko udan, SD Eibarrera joan zen utzita, eta maila gorenean debuta egin ondoren, hasierako hamaikakoan postu bat eskuratu zuen,  bere errendimendu onari esker nahiz eta eskarmenturik ez izan.

Orain Eider, erdiko atzelari zein hegaleko atzelari gisa aritu daitekeena, etxera itzuliko da Liga F-n Athletic Cluben armarria defendatzeko 2028ko ekainaren 30era arte. Horregatik, loiuztarra pozik agertu zen bere ibilbidean kapitulu berri hau irekita: "Oso pozik nago etxera itzultzeagatik. Eibarren izandako bi lagapenek hazten lagundu didatela uste dut, eta orain laguntzeko eta taldeari ahal dudan guztia ematen saiatzeko gogo handia dut".