Montijoko Peñaren 50. urteurrena

Ekainaren 7an Montijoko Athletic Clubeko Peñaren 50. urteurreneko ekitaldi nagusiak ospatu ziren. Elkartea 1975ean jaio zen eta Badajozeko probintziako zaharrenetakoa da, Villafranca de los Barroseko La Sardina dekanoaren atzetik.

Jaia eguerdian hasi zen peñakideei eta bertaratuei harrera eginez peñaren egoitzan, Bakearen Hiribidean. Harrera horretan, herriko alkatearen bisita jaso zen. Izan ere, alkateak ez zuen zalantzarik izan aurreikusitako jardueretan laguntzeko.

Udal txosna bazkideak, peñakideak eta agintariak elkartzeko gunea izan zen. Bertan, urdaiazpikoa eta aperitibo tipikoak dastatzeko abagunea izan zen eta txerri-galdaratxo sendo batekin osatuta.

Arratsaldean musika eta dantzekin jarraitu zen eta Extremadurako Gran Sol jatetxean egindako gala-afariarekin itxi zen eguna. Andoni Goikoetxea izan zen ordezkaritza zuri-gorriaren buru.