Athletic Clubek Robert Navarro fitxatu du

Athletic Clubek eta Robert Navarro futbolariak akordioa lortu dute aurrelariak talde zuri-gorrian joka dezan 2030eko ekainaren 30era arte. 23 urte ditu eta eskarmentu handia lortu du CA Osasuna, FC Barcelona, AS Monaco eta Real Sociedadeko harrobietan. 17 urterekin iritsi txuri-urdinen bigarren taldera eta ordutik gaur arte 89 partida jokatu ditu maila gorenean, baita Europan ere, non bi gol sartu dituen.

Robert Navarro (23 urte) 25 partida jokatuko ditu azken denboraldian RCD Mallorcan. Hegaleko eta erdiko eraso posizioak tartekatu ditu beti. Proiekzio handiko jokalari gisa ikusi izan da beti beheko mailetan, eta Espainiako selekzioan ere etapa guztietan parte hartu du, 16 urtez azpikoetan hasi eta 21 urtez azpikoetan amaitu arte.

"Urrats garrantzitsua da nire ibilbidean. Ilusio handiarekin nator, Kluba esparru guztietan hazten ari da eta duen anbizio handia gogoko dut. Entrenatzen hasteko, taldea ezagutzeko eta aurtengo helburu guztiak lortzeko lan egiteko gogo handia dut", adierazi du Navarrok.

Mikel Gonzalez Futboleko zuzendari nagusiak honela baloratu du zuri-gorrien erasotzaile berriaren fitxaketa: "Bere fitxaketa aukera bikaina da. Oso merkatu zabala du eta libre dator gurera. Gaztea izan arren, eskarmentu handia du futbol profesionalean. Teknikoki bikaina, maneiu eta trebetasun handikoa da eta bi hankekin ondo moldatzen da. Bi hegaletako edozeinetatik abiatuz eroso sentitzen da, nahiz eta bere jokoaren zati handi bat barrualdean izan".

Gurasoak iruindarrak izan arren, Bartzelonan jaio zen Navarro. Izan ere, bere aita, Roberto, futbolari bezala Taxoaren hasi ondoren, L 'Hospitaleteko defentsa garrantzitsua bihurtu zen. Futboletik erretiratu zenean, familia Iruñera itzuli zen, eta han Robert txikia areto-futboleko Irabia taldean hasi zen jokatzen. Kimuetan CA Osasunan sartu zen (2011) eta bere aurre pausu handiek FC Bartzelonaren arreta deitu zuten. Ondoren AS Monacora joan zen, jubeniletan, non 16 urterekin lehen taldean debutatzea lortu zuen Thierry Henryren eskutik.

Realak fitxatu zuen gero, bigarren talderako, eta bere bigarren denboraldian debuta egin zuen lehen mailan. Sanse bigarren mailara igotzeko funtsezko jokalaria izan zen Xabi Alonso entrenatzailearekin, 11 gol sartuta. 2022-23 denboraldian 26 partidatan parte hartu zuen Imanol Alguacilekin. Cádiz CF taldean utzita 30 partida jokatu ondoren, RCD Mallorcari saldu zion, eta urte bat sinatu zuen.

Robert Navarro Athletic Clubeko futbolari berriaren aurkezpen ofiziala denboraldiaurrea hasi ondoren egingo da. Zuzendaritza Batzordeak egindako ildotik, haren kontratuak soldata-egitura bat du, helburuen araberako aldagai-osagai batekin.