Partida aurrekoa: Borussia Dortmund - Athletic Club (Champions League)

Lehen jardunaldian San Mamesen Arsenal FC taldearen aurka galdu ondoren, Athletic Clubek Borussia Dortmundi egingo dio bisita UEFA Champions Leagueko aurtengo edizioaren sailkapenean estreinatzeko helburuarekin. Lehoiak Alemaniako lurretara doaz ia 4.000 zale zuri-gorriekin batera Bundesligako iazko edizioan laugarren sailkatu zen taldearen aurka jokatzeko.

 

 

Neurketaren aurreko adierazpenak

Errepasatu Ernesto Valverdek eta Unai Simonek Borussia Dortmund - Athletic Club partidaren atarian emandako prentsaurrekoa.

 

Estatistikak

Borussia Dortmundek eta Athletic Clubek lau aldiz neurtu dituzte indarrak, guztiak denboraldiaurreko lagunartekoetan: 1990/91 (1-1 Herbehereetan), 1992/93 (0-3 BVBren alde San Mamesen), 2016/17 (0-1 Athleticen alde Kybunparken) eta 2021/22 (0-2 Athleticen alde Kybunparken).

 

Datu interesgarriak
 

• Borussia Dortmunden entrenatzailea: Bere aulkiko egungo maizterra Niko Kovac da, Alemanian jaiotako kroaziarra. Futbolari bezala, ia 500 partida jokatu zituen Bundesligako hainbat taldetan, Hertha Berlinen, Bayer Leverkusenen eta Bayern Munichen, besteak beste. 2013an zuzendaritza teknikora pasa zen, Kroaziako hautatzaile kargua hartuz. Hainbat klubetan egin du lan Kovacek entrenatzaile gisa, hala nola, Eintracht Frankfurten, Bayern Munichen, Monacon eta Wolfsburgen. 2019an Bayern Munich Bundesligako titulua eskuratzera eraman zuen.

 

• Jokalari bikainak: Nazioarteko talentudun gazte ugari ditu. Etorkizun handia duten bere jokalariak hauek dira: Yan Couto (Brasil), Jobe Bellingham (Ingalaterra), Felix Nmecha (Alemania), Maximilian Beier (Alemania), Carney Chukwuemeka (Ingalaterra), Fabio Silva (Portugal) eta Karim Ayedemi (Alemania). Gainera, plantillako kiderik finkatuenen artean hauek nabarmentzen dira: Gregor Kobel (Suitza), Waldemar Anton (Alemania), Serhou Guirassy (Ginea), Julian Brandt (Alemania), Pascal Gross (Alemania), Marcel Sabitzer (Austria), Emre Can (Alemania) eta Niklas Sule (Alemania). Borussiak kontinentean talentu gehien duten jokalariak trebatzeko ospea du, egungo eta antzinako hainbat jokalarik distira egin dezaten plataforma bat eskainiz, Dortmunden bertan edo beste klub batean.

 

Bitxikeriak

 

• Dortmundeko zaleek «You 'll Never Walk Alone» abesten dute partida hasi aurretik.
• Bundesligan, Alemaniako futbol liga profesionalean, sartutako lehen gola Borussia Dortmundeko Friedhelm Konietzka (1963/64) jokalariak egin zuen
• «Echte Liebe» (Benetako maitasuna) leloa klubaren nortasunaren zati integrala da, eta taldearen eta zaleen arteko komunitatea sinbolizatzen du.
• Klubak Hirugarren Reichean antinazi orientazioa izan zuen, eta horrek, beste faktore batzuekin batera, zailtasunak sortu zizkion garai hartan.
• Borussia Dortmund izan zen Alemaniako burtsan kotizatu zuen lehen kluba.
• 1966an, Europako garaikur bat, Europako Errekopa, irabazi zuen lehen talde alemaniarra izan zen.

 

Ordutegiak eta Borussia Dortmund-Athletic Club partida non ikusi
 

Borussia Dortmund eta Athletic Club taldeek elkarren aurka lehiatuko duten 2025/26 Champions Leagueko Ligako Fasearen bigarren jardunaldia asteazken honetan, urriaren 1ean, 21:00etan, Signal Iduna Park zelaian jokatuko da.

Movistar Champions League-n bidez jarraitu ahal izango da. Munduko beste edozein lekutatik ikusten baduzu, hemen duzu partida eskaintzen duten telebista operadoreen zerrenda zabala.