Born To Roar: Athletic Clubeko laugarren elastikoa

Athletic Clubek eta Castorek Athleticen laugarren ekipazioa aurkeztuko dute 2025/26 denboraldirako. Datorren abenduaren 14an estreinatuko da Vigon, RC Celta-Athletic Club partidan, eta eskuragarri dago jada denda ofizialetan. 

Kamiseta oso apurtzailea da bisualki, kolore gorria eta beltza uztartzen ditu eta estanpatu bat marrazten du, Athletic Clubeko lehoiaren irudia irudikatzen duena. Lepoa biribila da, beltza, eta atzealdean eta dortsalaren gainean -zuria da-, lehoi bera du diseinuan ezkutatuta, oraingoan tamaina txikian eta argi eta garbi bereizteko modukoa. Gainera, armarria bi tonukoa da, gorria eta beltza ere bai, eta distira izugarria du. Praka eta galtzerdi beltzek osatzen dute jantzia, lehoiaren ikusmena indartuz.

Born To Roar/Orro egiteko jaioak claim-a aukeratu da aurkezpenerako, orro egiteko jaioak, eta Klubaren historiari zein mende bat baino gehiagoan zehar posible egin duten pertsonei egiten die erreferentzia: futbolariak (taldea) eta athleticzaleak (zaleak).

Lehoien orroa soinua baino askoz gehiago da. Sentimendua da, larruazalari itsatsitako emozioa. Hau da laugarren ekipamenduak adierazten duena, kamiseta bat baino askoz gehiago. Orro hori entzuten denean, San Mamesetik askoz haratago gertatzen da. Zelaiko 11ek orro egiteaz gain, zale guztiek ere orro egiten dute.

Familia athleticzaleak oro egiten ikasten du, heredatu egiten du.
Bizi ezazu emozio hori, emaitzak eta kirol-egoera edozein direla ere.
Orroa sentitzen da.
Jantzi egiten da.
Born to Roar.