Viteri hil da, golak sartzen jaioa zen lehoia
Viteri hil da, golak sartzen jaioa zen lehoia
Lezaman trebatu eta Athleticekin CD Castelloren aurka Kopako txapeldun izan ondoren, Burgosen ibilbide bikaina egin zuen aurrelari bilbotarrak
Rafa Viteri, Athletic Clubeko aurrelari ohia eta 1973an CD Castelloren aurka Kopako txapeldun izandakoa, gaur goizean hil da Logroñon, 73 urte zituela. Jubeniletan 1969-70eko Kopa irabazi zuen eta hogeita hamar gol baino gehiago sartu zituen bigarren taldearekin lehen taldera igo aurretik. Denboraldi bakarra egin zuen goian, baina bere arrastoa utzi zuen Valentzian egindako debutean sartutako golarekin eta San Mameseko bere estreinaldian Real Oviedoren aurka sartutako bi tantoekin. Beste bat ere sartu zuen, Atletico Madrilen aurka, orotara 14 partida jokatuta.
Burgosera joan zen gero eta bertan ibilbide arrakastatsua izan zuen, El Plantion jokatu zuen zazpi denboraldietan 33 gol sartuz, berdegunean Juanito ahaztezinarekin bat eginez, ondoren Real Madrilekin fitxatuko zuena.
Athletic Clubek besoko beltza eramango du Osasunaren aurka Sadarren, bere oroimenean eta Juanan Lopez atezain ohiarenean ere.
Erlazionatutako jokalariak
