Luis Fernandez eta jokalari ohien arteko topaketa berezia
Luis Fernandez eta jokalari ohien arteko topaketa berezia
Tarifako teknikariak bere futbolari izandako batzuekin solastu zuen PSGren aurkako UEFA Champions Leagueko partidaren atarian
Hurrengo ekainaren hasieran 30 urte beteko dira Luis Fernández, garai hartan Europako futbolean modan zegoen entrenatzaileetako bat, Athletic Clubera etorri zenetik. Tarifako prestatzaileak arrasto sakona utzi zuen Klubean bertan emandako lau denboraldietan; bi aldiz sailkatu zuen taldea Europako txapelketetarako, horietako bat “Champions Luis”-era, Txapeldunen Ligara alegia.
Bere agurraretik mende laurden baino gehiago igarota, Fernández berriz itzuli zen Bilbora Athletic Clubek Paris Saint-Germainen aurka jokatu zuen UEFA Champions Leagueko partidaren harira. Euskaldunen eta galoen arteko neurketaren bezperan, karismadun entrenatzaile frantziarrak sorpresa berezia izan zuen bere jokalari ohienetako batzuekin elkartzean: Edu Alonso, Imanol Etxeberria, Javi González, Roberto Martínez “Tiko” eta Sergio Corino.
Topaketan, barrez eta konplizitate-keinuez lagunduta, 1996 eta 2000 artean Luis Fernándezek Athletici zuzendu zizkion lau denboraldietako pasadizo zaharrak gogoratu zituzten. Garai hartan bere arrastoa utzi zuen, bai profesional gisa bai pertsona gisa ere, bere agindupean egondako futbolariengan, baina baita zale zuri-gorrengan ere, zeinek oraindik ere maitasuna eta esker ona adierazten dioten Bilbora itzultzen den bakoitzean.