Quintela lehoi ohia hil da

Jesus Maria Quintela Zubizarreta, joan den mendeko hirurogeiko hamarkadan zuri-gorri izandakoa, atzo hil zen 85 urte zituela Azkoitian, bere jaioterrian.

Anaitasunan eta SD Indautxun jokatu ondoren, Athletic Cluben sartu zen 61/62 denboraldian. 1961eko irailaren 24an egin zuen debuta, Juan Antonio Ipiñaren aginduetara, FC Bartzelona-Athletic Club partidan (4-2). Zuri-gorriz jantzita, bi denboralditan Ligako 12 partida jokatu zituen, eta sei gol sartu. Bigarren Mailako SD Indautxura itzuli zen, baina 63/64an beste etapa zuri-gorri bat egin zuen partidarik jokatu gabe. Erretiroa CA Osasunan hartu zuen, bertan 1965/66 eta 1966/67an parte hartu zuela.

Hileta elizkizunak bihar, asteartea, izango dira, 19:00etatik aurrera, Azkoitiko Jasokundearen Andre Mariaren parrokian. Athletic Clubeko jokalariek besoko beltza eramango dute bere omenez datorren larunbatean, Ligako Ramon Sanchez-Pizjuan futbol-zelaian, Sevilla FC taldearen aurka jokatuko duten partidan. Athleticek bere doluminak helarazi nahi dizkie familiari eta jokalari ohiaren gertukoei. Goian bego.