"Talde honek beti du espiritua"

"Talde honek beti du espiritua, inoiz galdu behar ez dugun zerbait da. Finalerdietara iristea, Athleticek azkenaldian asko egin duen zerbait, arrakasta da guretzat eta gure jendearentzat ere pozgarria izatea espero dugu". Ernesto Valverde zoragarri agertu zen Mestallan, Athleticek Valentzia Kopako final-laurdenetan kanporatu ostean.

Lehoiak beste final batera heltzeko bi partidara daude gustukoen duten txapelketan. Kopako azken zazpi edizioetako seigarren finalerdia: "Une askotan nagusi izan garen partida bat egin dugu. Gora egiteko bulkada handia da. Hasieratik ari ginen haren bila. Ez da denboraldi erraza izaten ari inorentzat, eta hau guztia primeran datorkio taldeari, emaitzak premiazkoak zaizkigulako".