DIGIk eta Athletic Clubek 2028ra arte luzatu dute harremana
DIGIk eta Athletic Clubek 2028ra arte luzatu dute harremana
Operadoreak Klubeko gizonezkoen eta emakumezkoen lehen taldeekin berritu du, eta Athletic Genuine eta Lehen Federazioko Bilbao Athletic batuko ditu
DIGIk eta Athletic Clubek akordio bat sinatu dute, eta, horren arabera, konpainiak Klubaren Babesle Ofizial izaten jarraituko du 2028ra arte. Horrek bi urteko elkarlana ziurtatuko du eta hurbiltasunean eta konpromiso partekatuan oinarritutako lankidetza estrategikoa indartuko du.
Akordioaren berritzeak gizonezkoen eta emakumezkoen lehen taldeekin babesletzaren jarraipena barne hartzen du, eta, gainera, bi atal berri gehitzen ditu kirol egitura zuri-gorriaren barruan: Athletic Genuine Fundazioa eta Lehen Federazioko Bilbao Athletic, DIGIren logoa erakutsiko dutenak. Hortaz, telekomunikazio-operadorearen marka, DIGI Communications Taldekoa, kamisetaren atzealdean egongo da lau taldeetan, Klubaren egunerokoan ikusgarritasuna sendotuz eta hainbat esparrutako kirol-proiektuei laguntza zabalduz.
Akordio honekin, Athletic Clubek aliantza estrategikoen sarea indartzen du kirolaren aldeko apustua egiten duten konpainia liderrekin, baita zaleekin identitatetik, inklusiotik eta etorkizuneko proiekziotik konektatzen duten ekimenekin ere.