"Hiru puntuak oso garrantzitsuak eta funtsezkoak ziren"

"Oso garrantzitsua zen irabaztea. Zelaian zegoen edonork badaki zenbat behar genuen. Horretan kontzentratu gara eta puntuek uste baino zapore hobea dute". Ernesto Valverdek poz-pozik ospatu zuen Athleticek Betisen aurka San Mamesen lortutako garaipena. Garaipen hau primeran datorkio taldeari nazioarteko konpromisoen etenaldiaren aurretik: "Partida hau gauza askorengatik zen garrantzitsua: Gironako emaitza txarra, gure intentsitatearekin eta bultzadarekin topo egiteko beharra, puntuen beharra, etab. Asko geratzen da, baina geldialdira aho zapore onarekin joatea oso ona da geratzen denari behar den moduan aurre egiteko. Hiru puntu dira, baina asko esan nahi dute".

Joan den ostiralean taldea utziko zuela iragarri ondoren, Valverdek, beti bezala, lehoientzat emaitzarik onena lortzea izan zuen helburu. Lortu zuen: "Azken partidak dira, baina kontzentrazio mailak eta puntu beharrak dena eramaten du. Guztiaren gainetik, emaitza funtsezkoa zen".