Peñas

Athletic Clubek 490 peña ofizial ditu munduan zehar. Guztiek animatzen gaituzte, hobeak izaten laguntzen digute eta are klub handiagoa izatea lortzen dute.
 

Peñakidea ez bazara, baina peña bat sortu nahi baduzu, gauzak errazten lagun diezazukegu. Peñen Nazioarteko Federazioko Ordezkariak ere kirol-lagunarte berriak sortzen laguntzeko prest daude. Hain zuzen ere, dagokizun zonako ordezkariekin harremanetan jarri behar zara, zure kirol-lagunartea Athletic Cluben Peñen Federazioan sartzeko. Betekizun hori ezinbestekoa da peña ofiziala izan dadin.

Ondorengo eskakizunak bete behar dira Athletic Clubeko Lagunarte Ofizial bat sortzeko:

• Bazkideen zerrenda osatu eta Zuzendaritza Batzordea eta lehendakaria hautatu behar dira.
• Lagunartearen Estatutuak idatzi.
• Estatu horiek dagokion Autonomia Erkidegoko Elkarteen Erregistro Ofizialean inskribatu. (EAEren kasuan, Eusko Jaurlaritzak Clubaren baimena eskatuko dizue; beraz, lehendakariaren izena eta NAN zenbakia eta Lagunartearen izen ofiziala jakinarazi beharko diguzue aldez aurretik).
• Athletic Cluben Lagunarteen Federazioan sartzea, dagokion zonan.
• Dokumentazio guztia Athletic Cluben egoitzara bidaltzea: San Mames, Bazkideen Arretarako Bulegoa (20. atearen ondoan), Rafael Moreno Pitxitxi Pasealekua, z.g., 48013 Bilbo

• Peñen harremanetarako e-mailean edo +34 94 406 18 98 telefonoan.
• Sarrerak eskatu edo datuak eguneratu nahi badituzu, erabili "Arlo pribatua" fitxa lerro hauen gainean.

Peñaren baten arduraduna bazara, zure datuak eguneratu edo San Mameserako sarrerak erreserbatu ditzakezu botoi honetan klik eginez: