Real Madrid - Athletic Club

Hirugarren jardunaldian lehen porrota jaso zuen Athletic Clubek, Valdebebasen. Real Madrilek penaltiz eta zuri-gorriek bere atean sartutako gol baten bidez lortu zituen bere golak lehen zatian, eta Nerea Nevadori gol olinpiko bat baliogabetu zion epaileak bigarren zatiaren hasieran. Lehoiak jaun eta jabe izan ziren bigarren zatian, baina ez zen nahikoa izan Di Stefanon gola sartzeko.

Etxekoak nagusi izan ziren lehen zatian eta Bruuneri egindako penaltia balantza desorekatzen hasi zen talde merengearentzat. Olga Carmonak hamaika metroetatik 17. minutuan sartu zuen gola. Aurretik, Zugastik aurrea hartzeko aukera izan zuen. Madrildarren gola asko zigortu zuen, handik gutxira Bruunen 2-0ekoa iritsi baitzen, korner itxi bat errematatu ondoren. Baloiak Zubietarekin egin zuen topo eta barrura joan zen. David Aznarren taldeak, zelai gainean itxuragabetuta, atsedenaldira joan zen partidari buelta emateko asmoz, eta, zalantzarik gabe, hausnarketa-minutu horiek norgehiagokariaurpegia aldatzeko balio izan zuten.

Izan ere, bigarren zatian eskainitako aurpegia oso bestelakoa izan zen. Athletic protagonista ikusi zen, bizia eta Nevadoren bidez gol olinpiko bat sartzea lortu zuena. Hala ere, epaileak gola baliogabetu zuen Real Madrilen Misa atezainari egindako ustezko falta batengatik. Elexpuru beste batean saiatu zen eta Maddik gola ukitu zuen buruz egindako erremate batekin. Lehoiak nagusi ziren eta lehen zatian izan ez zituzten aukera guztiak izan zituzten. Norgehiagokara sartzeko gola, hori bai, ez zen iristen. 

Atheneak, 72. minutuan, partida erabakita uzteko aukera izan zuen, Nanclaresek Alba Redondori geldiketa bikaina egin ondoren. Torilen neskek zurigorrien itxaropen guztiak ia zapuztu zituzten; Abelleirak eta Redondok 3-0ekoa lortu zuten. Athleticek, partidan sartuta, gola lortu nahi zuen, gutxienez, madrildarrei benetako beldurra sartzeko. Misak geldiketa bikaina egin zion Nahikariri lehenengo zutoinean, amaierarako bost minutura. Zurigorriek saririk gabe bukatu zuten neurketa eta Athleticek denboraldiko lehen porrota jaso zuen Liga F-n.