FC Barcelona - Athletic Club

Talde blaugranaren etxean 6-0 galdu arren, ez da denboraldi bikaina zapuztu. Azken jardunaldiak Laida Balerdi bigarren taldeko jokalariaren debuta utzi digu. Athleticek topo egin zuen txapeldunaren legearekin.

Gidoia espero zena izan zen. Barçak, aurretik dituen Txapeldunen eta Kopako finaletarako jokalariak erreserbatzetik urrun, talde lehiakorrena zelairatu zuen. Ohi bezala, partida irabazi zuten, eta lehoiek ezin izan zuten ia minik egin aurkariaren arean, kontraerasoan ezustean harrapatu nahian.
Aitana Bonmatik markagailua ireki zuen 2. minutuan. Partida luzea izango zen.

Graham-Hansenek Ewa Pajor, F Ligako pitxitxia, aurkitu zuen antzeko jokaldietan, bi gol gehiago sartuz. Athletic atsedenaldira joan zen 3-0eko emaitzarekin eta zaparradari eusten saiatzeko asmoz.

Bigarren zatiko zeinua ez zen aldatu eta Athletic, denboraldi bikain baten azken ahaleginean, sentsazio hobeak aurkitzen saiatu zen Bartzelonan zegoen bero itogarriaren azpian. Leire Baños, beti ondo kokatuta, liderra izan zen atzealdean eta Quiñonesek, Ligako urteko lehen minutuak jokatu zituenak, ezer gutxi esan ahal izan zuen blaugranen goletan.

Edozein gehiegizko konfiantza hilgarria izan zitekeen, eta hori aprobetxatu zuen Claudia Pinak 74. minutuan, nahiz eta gure atezainak geldiketa aparta handia egin zuen aurretik. Aurrelariak aldaratzea harrapatu eta 4-0ekoa sinatu zuen Johanen. Laida Balerdi gaztearen debuta izan zen neurketatik atera beharreko albiste positiboetako bat. Asteasukoa, bigarren taldeko zentrala eta ia urte osoa lehen taldearekin dinamikan egon dena, lehen minutuak jokatu zituen maila gorenean. Pina eta Brugts, azken hau partiduko azken jokaldia, etxekoen festa borobildu zuten.

Athleticen denboraldi bikaina, 51 punturekin laugarren postuan amaitzen dena, iazko bosgarren postua hobetuz. Oso talde gaztea da, asko hazi da eta etorkizun bikaina du aurretik.