Alhama CF - Athletic Club

Athletic Clubek Liga F-ko lehen garaipenaren bila jarraitzen du. Zuri-gorriek Pinatar Arenan jokatu dute lehen aldiz txapelketako zortzigarren jardunaldian, garaipenik gabeko bolada eten nahian. Hala ere, ahalegina eta neurketa parekatua izan arren, Javi Lergaren neskek zapore gazi-gozoa uzten duen berdinketa berri batekin konformatu behar izan dute.

Talde zuri-gorria izan da nagusi, eta bi zatietan aukerak izan ditu. Azkonak, buruz, markagailua ireki ahal izan du partidako bi zatietan. Nanclaresek Alhama CF taldea aurretik jartzea eragotzi du, Anitak buruz egindako errematea geldituz. Ez zen asko gehiago gertatu lehen zatian. Daniela Agote izan da jokalari azpimarragarriena.

Bigarren zatian, sorbaldan min hartu eta bi hilabetera, Clara Pinedo lehen minituak izan ditu. Athleticek aurkariaren zelaian jarraitu du jokatzen, baina distirarik gabe eta ate ingurura gutxi begiratuz. Gainera, murtziarren edozein abagunek lehoien urduritasunak areagotu ditu. Ez da gola sartzeko modurik izan eta taldea Pinatar Arenatik puntu bat gehiagorekin joan da. Batzen bai, baina inpotentzia sentsazio handiarekin.

Lehoiek futbol ona eta sendotasuna erakutsi dute defentsan, baina ez dira fin ibili aukerak goletan bihurtzeko. Hala ere, lortutako puntua aurkari gogor baten aurka etxetik kanpo batzea ahalbidetu du. Orain nazioarteko partiden geldialdia dator, energiaz kargatu eta hurrengo bi jardunaldiei aurre egiteko xehetasunak doitzeko une bikaina. Gainera, hurrengo bi jardunaldiak Lezaman izango dira, zaleei denboraldiko lehen garaipena eskaintzeko abagune paregabea.