Athletic Club - Atlético de Madrid Femenino

Ez zen urtarrilaren 27tik gertatzen, baina Athletic Clubek denboraldiko eta 2024ko lehen porrota jaso zuen Lezaman Atletico de Madriden aurka. 5. jardunaldian talde zuri-gorrien arteko norgehiagoka eta lehia parekatua izan zen. Maddik bere atean sartutako bi golek orain arte Liga F-n puntu guztiak batu dituzten kanpokoen alde desorekatu zuten balantza.

Partidako aukera gehienak bigarren zatian kontzentratu ziren. Lehen zatian berdintasuna izan zen nagusi eta bi taldeek, zelaian sendo, ez zioten tarterik ematen aurkariari. Ia ez zen jaurtiketarik izan, eta protagonismoa 45 minutuetan zehar banatu zen. Sheilak saiakera bakarra egin zuen hiru zutoinen artean, eta horrek argi utzi zuen zein paretsua izaten ari zen norgehiagoka.

Bigarren zatian neurketaren zeinua aldatu zen eta lehoientzat ezustekoekin hasi zen. Atletico de Madridek abagune bikoitza izan zuen. Lehenik, Maddik Tatiana Pintoren errematea hurrundu zuen eta, ondoren, Nanclaresek Ajibaderen gola ekidin zuen. 59. minutuan iritsi zen madrildarren gola, Oterminek, baselinaz eta zorte apur batekin atezain zuri-gorria gainditu zuen, aldaratze bat jaso ostean. Baloiak langan eta Maddiren gorputzean jo zuen. Zoritxar ugari. Hala ere, Athleticek ondo erreakzionatu zuen. Sara Ortega area ertzetik saiatu zen, baina Lola Gallardok geldiketa eder batekin berdinketa eragotzi zuen. David Aznarrek aulkia mugitu zuen eta Giok kontraerasoan erabaki ahal izan zuen, nahiz eta Nanclares nagusitu zen buruz burukoan. 80. minutuan, geldikako jokaldi batean, Landaluzek langara bidali zuen baloia. Harmailek lehoiak hauspotzen zituzten zuri-gorri lana sarituko zuen puntuaren bila gutxienez. Luzapenean, beste kontraeraso batean, Giok etxekoen itxaropenekin amaitu zuen. Erdiratu eta Maddik baloia bere atean sartu zuen 0-2koa ezarriz. Zoritxarreko beste jokaldi bat. Kontagailua zeroan jarri da berriro Lezaman, non bi aste barru Valencia CF taldea iritsiko den. Aurretik, igandean derbia izango da Ipuruan.