SD Eibar - Athletic Club

Athleticek garaipena lortu zuen Irene Oguizak azken unean geldikako jokaldi batean sartutako golari esker. Durangarrak luzapenean Nevadoren erdiraketa errematatu zuen buruz Ipuruan hiru puntuak eskuratzeko. Ez zen lehoien partidarik onena izan, baina honela desorekatu zen markagailua.

Norgehiagoka zelaian ondo finkatuta eta baloi jabetza luzeekin hasi zuen Athleticek. Hala, laster iritsi zen Clara Pinedok egindako lehoien gola. Bilbotarraren lehena denboraldi honetan hain ondo egiten duen jaurtiketa batekin. Zuri-gorriek sendo jarraitu zuten, nahiz eta laster protagonismoa galdu eta SD Eibarrek sentsazio hobeekin amaitu zuen lehen zatia. Ane Camposek eta Amanik ere neurketa berdintzeko aukerak izan zituzten atsedenaldira iritsi aurretik.

Armaginek derbian aurrera egiten jarraitu zuten. Lehietan irabazleak eta erorketei adi. Bere eszenatoki idealera eraman zuten norgehiagoka, eta aldaratze batean, Arene Altonagak berdegunera sartu berritan, jaurtiketa bat atera zuen Adriana Nanclaresen eskuetatik urrun. Berdinketa 69. minutuan iritsi zen eta Ipuruak garaipenean sinesten jarraitu zuen. Nevadoren barnekaldi batean, ezkerretik egindako erdiraketa etorri zen eta Nahikarik gertu izan zuen bigarrena, baina etxekoen atzeko lerroa bikain aritu zen. 88. minutuan gipuzkoarrek langa baloia langara bidali zuten. Athletic konbinatzen saiatzen zen, baina Eibarrek ederto defendatzen zituen saiakera guztiak. Luzapenean, partida berdinketa amaituko zela zirudienean, sendatu berri den Irene Oguiza agertu zen Athletici garaipena emateko. Nevadok geldikako jokaldi batean egindako erdiraketa bati esker, Durangokoak baloia desbideratzea lortu zuen. Sari handia berriro irabaztea lortu duten lehoientzat.