UD Logroñés - Bilbao Athletic
KokapenaLas Gaunas , Logroño
Bilbao Athleticen berdinketa landua txapelketa ofizialari ekiteko
Zuri-gorriek puntu bat lortu dute Las Gaunasen UD Logroñesen aurka, igotzera deitutako taldeetako baten aurka
Partida oso lehiatua izan zen Las Gaunasen eta amaieran Bilbao Athleticek puntu bat lortu zuen. Partida, parekatua eta lehiatua, Carlos Gurpeguik zuzendutako bigarren taldearen estreinaldi ofiziala izan zen. Lehikumeek aukerak izan zituzten aurretik jartzeko, baina Segunda Federacion txapelketako inaugurazio jardunaldian lortutako puntua positiboa da, etxekoen azken bultzada eta aurkariaren garrantzia ikusita.
Talde bakoitzak bere uneak izan zituen neurketan. Bilbao Athleticek gertu izan zuen gola lehen zatian, nahiz eta aukerarik argiena Mattheusek izan zuen bigarren zatian, Royo behartu baitzuen gola saihesteko. Errioxarrek golaren bila estutu zuten, baina kanpoko taldearen defentsa lerroa ederto ibili zen. Datorren astean, Lezaman, Bilbao Athleticek Utebo FC hartuko du (irailaren 9an, larunbata, 18:30ean).
