Bilbao Athletic - UD Logroñés
KokapenaLezama 2 , Lezama
Berdintasuna nagusi Bilbao Athletic eta UD Logroñesen artean
Lehoikumeek eta errioxarrek, biak igotzeko hautagaiak, puntuak banatu dituzte Lezaman golik gabeko berdinketa erdietsi ondoren
Bilbao Athleticek eta UD Logroñesek golik gabeko berdinketa erdietsi zuten Lezaman jokatutako partidan. Multzoko bi talde indartsuen arteko lehiari ez zitzaion abagunerik falta izan, baina, hala ere, ez zen golik egon.
Markagailua hutsean egon arren, neurketa entretenigarria izan zen. Bi taldeek aurkariaren atea bilatu zuten, euren erara, eta berdintasuna apurtzeko zorian egon ziren. UD Logroñesek hobeto ekin zion neurketari, baina lehoikumeak hobetzen joan ziren. Aukerarik argiena, Ibon Sanchezen oinetan.
Atsedenaldiaren ostean, Bilbao Athletic izan zen nagusi eta estuago jarri zuen kanpoko taldea. Olabarrietak partidako aukerarik argiena izan zuen. Bere jaurtiketa errioxarren atetik oso gertu joan zen kanpora. Bi aurkariak borrokan aritu ziren euren interesengatik, baina bukaeran, golik gabeko berdinketa utzi zuten Lezaman. Puntu ona, oso partida gogor batean, denboraldi amaieran igoera lortzeko lehian egongo den aurkarietako baten aurka.
