Gimnástica Segoviana - Bilbao Athletic

Bilbao Athleticen porrota Segovian. Lehoikumeek La Albueran porrota jaso zuten norgehiagoka parekatu baten azken txanpa. Minutuak aurrera igaro ahala hobetu zuen bigarren talde zuri-gorriak, baina ez zen nahikoa izan Primera Federacion mailako 5. jardunaldiko partidatik zerbait positiboa ateratzeko.

Bilbao Athleticek bere estiloari leial ekin zion, baloi-jabetzan nagusi eta aurkariaren atearen bila. Hala ere, lehoikumeek arriskua sortzeko zailtasunak izan zituzten Carmonak defendatutako atearen inguruan. Canalesek aukera argiena ordu laurdenean izan zuen, areaz kanpotik egindako jaurtiketaren ostean. Hurrengo jokaldian Javi Borregok Gastesi azpitik gaindiduta aurretik jarri zuen etxeko taldea. Bigarren talde zuri-gorriak berdinketaren bila arraun egin zuen, baina ezin izan zuen Segovianaren golari erantzun. 

Bigarren zatiaren hasieran, Bilbao Athletic indartsu zelairatu zen eta bere lehen abagunean erakutsi zuen. Azkunek bikain definitu zuen Carmonaren atean egindako jaurtiketan norgehiagoka berdintzeko. Bilbao Athleticek norgehiagokari buelta emateko saiakeran jarraitu zuen eta Canalesek faltaz izan zuen lortzeko aukera argia. Carmonaren geldiketak Jokin Aranbarriren mutilen bigarren gola eragotzi zuen.

Partida berdintasun handiko fase batean sartu zen, bi taldeentzat izandako aukerekin. Hor, Gimnastica Segoviana izan zen asmatu zuena. Berlangak Gastesi gainditu eta behin betiko gola sartu zuen, nahiz eta lehoikumeak partidako azken jokaldira arte saiatu.