CD Tenerife - Bilbao Athletic
- Ibai Sanz 62'
KokapenaHeliodoro Rodríguez López , Santa Cruz de Tenerife
Bilbao Athleticek liderraren etxean irabazi du
Ibai Sanzen golak garaipenaren bidera itzultzea eta jaitsiera postuetatik irtetzea ahalbidetu die lehoikumeei
Bilbao Athleticen garaipen handia Tenerifen. 0-1 gailendu zitzaion CD Teneriferi Heliodoro Rodriguez Lopez zelaian Ibai Sanzen gol bati esker eta hilabete eta erdi geroago berriro irabaztea lortu zuten. Testuinguruak ez zirudien egokia emaitza-dinamika txarrari amaiera emateko, baina futbola beti da aurreikustezina. Liderra bisitatzea proba gogorra zen filial zuri-gorriarentzat. Hala ere, Jokin Aranbarrik aulkitik zuzentzen dituen jokalariek hiru puntuak eskuratu zituzten eszenatoki zail batean.
Lehen zatia orekatua izan zen. Vizcayk zutoinera bidali zuen bere burukada, baina baliorik gabe geratu zen, Dani Fernandezek sartu zuen gola bezala Santosi falta egin ondoren. Atezain bilbotarra erabakigarria izan zen norgehiagokaren bilakaeran merituzko hainbat geldiketekin. Lehoikumeak jokaldi bikain batekin aurreratu ziren. Iker Aldaik hasi zuen eta Ibon Sanchezek orpoz konektatu zuen Ibai pitxitxiarekin, honek atezaina gainditu zezan. Kanariarrak erreakzionatzen saiatu ziren, baina ez zuten lortu. Golegileak berak eta Bujanek aldaratzean errenta handitzeko aukera ere izan zuten.
Hiru puntu hauekin, talde bizkaitarrak 13 ditu dagoeneko eta jaitsieratik irten da. Datorren astean CD Arenteiro hartuko du Lezaman (igandea, hilak 16, 18:30ean).
