Bilbao Athletic - CD Arenteiro

Bilbao Athleticen norgehiagoka handia Lezaman. Lehoikumeek Arenteiro gainditu zuten Conde eta Ibon Sanchezen golei esker. Jokin Aranbarriren mutilek bigarren garaipena lortu dute jarraian, eta lan gogorra emaitzekin ikusten dute behingoz. 

Bilbao Athleticen eszenaratze aparta. Partidan haztea bilatu zuen baloi-jabetzatik. Eragina izan zuen neurketan, lehenago aukera batzuk zenbatuta. Argia izan zen Ederren aukera buruz, arratsaldeko lehena izateko zorian egon baitzen. Condek eman zion lehen koska markagailuari. Ederto ostu zion baloia defentsari area barruan, ezin hobeto definitzeko aurkariaren atearen aurrean. Epaileak gola berrikusi eta baliozkotasuna eman zion. Atsedenaldia baino lehen, Bujanen gola baliorik gabe geratu zen Ibai Sanzen jokoz kanpoko posizioagatik.

Lehoikumeek kontrolpean izan zuten jokoa bigarren zatian. Erritmoa moteldu egin zen eta aukerak gutxitu. Ibon Sanchezek erabakita utzi zuen norgehiagoka, kanpoko taldearen atezainaren irteera erratua aprobetxatuta. Distantzia luzetik, bigarren talde zuri-gorriko kapitainak Jokin Aranbarriren jokalarien bigarren gola sartu zuen. Ochoak emaitza txukundu zuen amaieratik bost minutura. Bilbao Athleticen partida oso serioa. Bigarren garaipena jarraian lortu du Guadalajarari bisita egin aurretik.