CD Guadalajara - Bilbao Athletic

Bilbao Athleticen mahai gaineko kolpea. Bigarren talde zuri-gorriak hirugarren garaipena jarraian lortu du, eta laugarrena jarraian, galdu gabe. Jokin Aranbarriren taldeak hiru puntuak eskuratu zituen Guadalajaran partida oso serio baten ostean, beste behin.

Bilbao Athleticek Pedro Escartin bisitatu zuen bi garaipeneko boladari jarraipena emateko asmoz. Eta erabakitasun handiz egin zuen laster abantaila hartuz, laugarren minutuan. Ibai Sanzek aurkariaren atzealdean egondako akatsa baliatu zuen arratsaldeko lehen gola sartzeko. Zazpigarren gola Barakaldoko aurrelariak denboraldi honetan. Dena kontrolpean, errenta handitzeko aukerekin, etxekoen taldeak Monrealen penalti bat aurkitu zuen arte, eta Neskesek berdinketa lortu zuen, ordu erdia baino lehen. Hortik aurrera, norgehiagoka aldatu egin zen eta indarrak parekatu egin ziren atsedenaldira arte. Aurretik, Ibai Sanz golegileak neurketa utzi zuen min hartuta.

Bigarren zatian, beste gol goiztiar bat. Epaileak monitorean aztertu zuen Hierrori egindako penalti bat, eta azkenean adierazi zuen. Huestamendia zelaira sartu zen bigarren zatirako, eta azkar ibili zen baloia sarera bidaltzeko Zarcoren aldaratzearen ostean, Ibon Sanchezen penalti-jaurtiketa gelditu eta gero. Berriz ere, interes zuri-gorrien alde egin zuen jokoak. Huestamendiak bertaratutakoak poztu zituen Hierrori asistentzia bikain bat oparitu ondoren banakako jokaldi ikusgarri baten ostean. Aurrelariak buruz erabakita utzi zuen norgehiagoka. Sekulako gola. Pablo Muñozek, penaltiz berriro, aldea murriztu zuen denbora agortuta zegoelarik. 

Bilbao Athleticek gainerakoa kontrolatu du eta 19 puntu ditu dagoeneko. Lehoikumeek une goxo-goxo baten murgilduta jarraitzen dute, dinamika ikusgarrian. Hurrengo hitzordua, Lugo Lezaman, azaroaren 29an, larunbata, 16:15ean.