Bilbao Athletic - SD Ponferradina

Eder Garciak sartu zuen 2025eko azken gola, eta berak eman dio Bilbao Athletici urte berriko lehen garaipena SD Ponferradinaren aurka, gol bakarti batekin.

Lehen 45 minutuetan zuri-gorriek izan dituzte abagune argienak. Adrian Perez saiatu da Ibai Sanchezen pasearen ostean buruz egindako erremate batekin, baina Prietok gola eragotzi du luzaketa bikain batekin. Ezker hegaletik Gift oso aktibo zegoela, Jokin Aranbarriren mutilek aurkariaren atea zulatzen saiatzen jarraitu dute. Atsedenalditik gertu, Letek area kanpotik probatu du jaurtiketa gogor batekin, baina berriro agertu da atezain aurkaria bere taldea salbatzeko. Etxekoen nagusitasuna gorabehera, Santos adi-adi egon da, bat-batekoa geldiaraziz.

Bigarren zatian, Bilbao Athleticen aukerak ez dira eten, eta Eder Garciak baloia hiru zutoinen artean sartu du, arratsaldeko gol bakarra egiteko. SD Ponferradinak, puntuen premiarekin, presioa areagotu du eta Santos zailtasunetan jartzen saiatu da. Hala ere, lehoikumeek, azken bost minutuak jokalari bat gehiagorekin zelaian zeudela, ondo eutsi diete aurkarien aukereei eta hiru puntuak lortu dituzte.

Jokin Aranbarriren taldearen hurrengo erronka Racing de Ferrolen aurka izango da A Malatan, larunbatean, hilak 10ean, 16:15ean.