Bilbao Athletic - Arenas Club

Bilbao Athleticek harrapaketa eskasa lortu zuen Lezaman egindako merituei erreparatzen badiegu. Lehoikumeek bana berdindu zuten Arenasen aurka jokatutako derbian eta puntu bat lortu zuten Jokin Aranbarriren gizonek, nahiz eta abagune oso argiak izan.

Filial zuri-gorriaren aukera oso nabarmenak lehen zatian. Korkutek, Hierrok eta Giftek gertu izan zuten markagailua irekitzeko gola. Punteria faltak eta Anartz getxoztarren atezainaren aparteko maila bigarren talde zuri-gorria atsedenaldira abantailarekin joatea eragotzi zuten.

Aldageletatik igaro ondoren, polemika apur bat Lezaman. Arenasek aldeko penalti batekin egin zuen topo Aldairen aldaratze saiakera baten ondoren. Eskuin hegaleko defentsak Zabala jo zuen buruan. Colladok kanpoko taldea aurreratu zuen. Bilbao Athleticek topera jo zuen berdinketaren bila eta hamar minutura lortu zuen. Johanekok sekulako erdiraketa jarri zion gola Monreali, eta honek buruz gainditu zuen aurkariaren atea. Zorte apur bat falta izan zitzaion Bilbao Athletici irabazteko. Hori esanda, Lezaman heldu ez zen garaipena bilatu beharko dute lehoikumeek datorren astean Taxoaren, Osasuna Promesasen aurka.