Liverpool FC - Athletic Club U21

21 urtez azpiko Athletic Clubek Liverpool FC taldeari irabazi zion Merseysideko The Academy kirol hirian. Carlos Gurpeguik eta Bittor Llopisek zuzendutako taldeak Red taldearen hasierako gola irauili zuten Giften, Asenjoren eta Hierroren golei esker.

Oso eskaintza berezia izan zuten hiru gol; izan ere, The Academy-ko harmailak zuri-gorriz tindatu ziren Stocky Bilbao futbol eskola amateurreko kideei esker, Liverpoolen, Stephen Lallyk (bere presidenteak) Everton eta Athletic Clubarekiko zuen grinagatik sortu zena. Zale zuri-gorri txikiek, lehoien lehen janzkera eta animatzeko pankarta zeramatzatenek, etengabe babestu zituzten lehoikumeak norgehiagoka osoan zehar.

Kirol arloari dagokionez, etxeko taldea 27. minutuan aurreratu zen Koumasen bitartez. Atsedenaldia baino lehen, Giftek lehia berdindu zuen eta bi taldeak aldageletara emaitza parekatuarekin joan ziren.

Bigarren zatian, zuri-gorriek gora egin eta Asenjok eta Hierrok partida erabakita utzi zuten.

Norgehiagoka amaitzean, Athletic Clubeko jokalariek, presidentea lagun zutela, Stocky Bilbao taldeko 70 gazte zuri-gorriak agurtu eta opariak banatu zituzten. Eskerrik asko, lagunak!

* Argazkiak Liverpool FC eta John Middletonenak dira.

📍The Academy

🥰 Athleticeko jarraitzaile txikiek osatutako @stocky_bilbao-ko gure lagunek etengabe animatu dituzte lehoikumeak Liverpoolen aurkako garaipenean.

❤️🤍 Merseysideko hiri mitikoan, athleticzale sentimendu sutsua.#AthleticClub 🦁 pic.twitter.com/9TVNIAwAa5

— Athletic Club (@athletic_eus) January 10, 2024