2007ko ate zabaleko jardunaldiak eta erakusketa berria
Kluba

2007ko ate zabaleko jardunaldiak eta erakusketa berria

Athletic Club-en Garaikur eta Erakusketa aretoaren (San Mameseko 26. atea) laugarren urteurrena eta Museoen Nazioarteko…

Athletic Club
Athletic Club
2007ko mai. 16a

Athletic Club-en Garaikur eta Erakusketa aretoaren (San Mameseko 26. atea) laugarren urteurrena eta Museoen Nazioarteko eguna bat eginez, datozen maiatzak 18, 19 eta 20, ostiral, zapatu eta igandea, Athleticeko zaletu guztientzat ate zabaleko jardunaldiak egingo dira, beraz Garaikur Aretora eta San Mamesera bisitak doan izango dira.

Jarduera hauek aprobetxatuz erakusketa bikoitza inauguratzen da.

Alde batetik benetako omenaldi bat egiten zaio Emakumezkoen Athletic Taldeari bere laugarren Superliga lortzeagatik: lehen eta azkeneko partiduetako oroigarriak, urte hauetan zehar jasotako opariak, denboraldiko irudirik onenak… Aldi berean, eta datorren barikuan Athleticek jokatutako UEFA finalaren itzuliko partidaren 30.urteurrena betetzen denez, partida ahaztezin harekin erlazionaturiko objektu berriak erakutsiko dira.

Era berean gogoratu gaur egun Museo zurigorrian, Athleticek lortutako garaikurrik garrantzitsuenak eta gure karisma gehien dutenen jokalarien objektuak, beste oroitzapen historikoen artean 1903an erabilitako lehen kamiseta zuri-urdina edota Telmo Zarra mitikoaren botak, San Mames barriaren maketak eta proiektua azaltzen duen bideo bat ikus dezakegu.

Ohikoa den bezala, Aretora sarrerarekin bat San Mamesera bisita ahaztezin batekin osatzen da, Katedralaren muineraino helduz, palko-aurrea, palkoa, prentsa aretoa, aldagelak eta jokalari eta entrenatzaileen aulkia.

Garaikur eta Erakusketa Aretoa, San Mames 26.atea

Ordutegia:
Asteartetik ostiralera: 10:00etatik 13:30era eta 16:00etatik 19:00etara.
Larunbatetan: 10:00etatik 14:00etara eta 16:00etatik 19:00etara.
Igandeetan: 10:00etatik 14:00etara.

+
Informazio gehigarria