Ohiko Batzar Nagusia

Athletic Clubeko Zuzendaritza Batzak Gizarte-estatutuetako 19, 23 eta 54.2 artikuluetan jasotzen denez, Athletic Clubeko bazkide konpromisarioei dei egiten die Ohiko Batzar Nagusian parte har dezaten. Batzarra Bilbon egingo da, Euskalduna Jauregian, 2008ko urriaren 8an, eguaztenean, 19:15ean lehenengo deialdian eta 19:30ean bigarren deialdian, ondoko gai zerrendaren arabera.

GAI ZERRENDA

LEHENA. Aurreko ihardunaren Kontuak, Txostena, Balantzaren eta aurreko ihardun ekonomikoari dagokion Kudeaketaren onarpena, horrela erabakitzen bada.

BIGARRENA. Hurrengo Ekitaldi Ekonomikorako prestatu den Aurrekontuaren onarpena, horrela erabakitzen bada, kuoten egokitzapena barne.

HIRUGARRENA: Giza Estatutuen aldaketa edota erreformaren prozesuaren irekiera eta, beraz, Estatutuen Lehen Xedapen Erantsiaren arabera:
a) Estatutuak aldatzeko akordioari baietza ematea.
b) Estatutuen Erreforma Proiektua idatziko duen Batzordearen kide biren izendapena Batzar Nagusiaren aldetik.

LAUGARRENA. Zuzendaritza Batzaren egitasmoak eta proposamenak.

BOSGARRENA. Bazkideek egin litzaketen proposamenak, baldin eta Batzarra ospatu baino bost egun lehenago aurkeztu badira eta bazkide konpromisarioen %10ek edo bozka emateko eskubidea duten bazkideen %2ek sinaturik badatoz.

SEIGARRENA. Eskari-galderak.

Halaber, ondoko alderdien berri ematen diegu bazkideei:

Lehenengoa: Gai zerrendan agertzen den HIRUGARREN puntuko b) atalari dagokionez, jakinarazten da Zuzendaritza Batzak, Estatutuen 54.6 artikuluak dionaren arabera, honako hau erabaki duela:

1) Estatutuen 19. artikuluko e) atalean dagokion ahalmenaren eskutik, Zuzendaritza Batzak Batzar Nagusiari bi pertsona zehatz proposatuko dio, Batzar Nagusiak berak Erreforma Proiektua idatziko duen Batzordekide bezala izendatu ditzan.
2) Arestian aipatzen den proposamenaren alternatiba diren proposamenak bozkatzeko asmoa agertzen duten bazkideek Estatutuen 19. artikuluko f) atalean agertzen eta erregulatzen den prozedura erabili beharko dute.

Bigarrena: Athletic Cluben indarreko Gizarte-estatutuen 27. artikuluak arautzen duenaren arabera, batzarra baliozkotasunez eratuko da, lehen deialdian, batzarreko kide guztien erdia gutxienez agertzen bada. Bigarren deialdian, nahikoa da batzarreko kide guztien ehuneko hamar agertzea.

Hirugarrena: Athletic Cluben indarreko Gizarte-estatutuen 31. artikuluak arautzen duenaren arabera, batzar honetako agiri guztiak bazkideen eskura daude Athletic Cluben egoitzan.

Laugarrena: Hautestontziak irekiko dira Batzarra indarrean dagoen unetik bertatik eta itxiko dira parte hartzaileen hitzak amaitu eta zentzuzko tartea utzi ostean.

Bosgarrena: Giza Estatutuen 25. artikuluaren arabera, NANa aurkeztea eskatuko da Batzar Nagusia egingo den aretora sartu ahal izateko.

Bilbo 2008ko irailaren 21ean

Presidentea
Fernando Garcia Macua Jn.

Idazkaria
Monica Durango And.