Etxeberriaren azken prentsaurrekoa Lezaman

Joseba Etxeberriak Lezaman bere azken prentsaurrekoa eskaini du gaur, maiatzaren 13an, ostegunean. Jokalariak hedabideekin batera azken hamabosteko denboraldiotako hainbat pasarte ekarri du gogora eta jokalari profesional moduan bizitzen ari den azken aste honetako burutazioetaz ere mintzo da. Athleticeri bere esker ona luzatu dio, eskaini dion guztia eskerturik, taldekideen hutsunea nabarituko duela gehitu du eta Athletic Clubeko bazkide bezala jokalari gisa lortu ezin izan duena, hau da titulu bat, bizitzea espero duela esanez.