Ezohiko Batzar Nagusia

Athletic Clubeko Zuzendaritza Batzak, estatutuetako 20., 22., 23. eta 54.2. artikuluetan esaten dena kontuan hartuaz, Athletic Cluben bazkide konpromisario guztiei dei egiten die Ezohiko Batzar Nagusian parte har dezaten. Batzarra Bilboko Euskalduna Jauregian egingo da, 2013ko otsailaren 18an, astelehenean, 19:15etan, lehenengo deialdian, eta 19:30etan, bigarren deialdian, ondoko gai zerrendaren arabera:

GAI ZERRENDA

LEHENA: San Mames futbol zelai berriaren ezaugarriak Athletic Clubeko bazkideei adieraztea eta hauei dagozkien jarlekuak aukeratzeko prozesua nola garatuko den jakinaraztea.

BIGARRENA: Hala balegokio, San Mames futbol zelai berriari dagozkion 2014. urterako kuoten zenbatekoa onartzea.

HIRUGARRENA: Eskari-galderak.

Halaber, ondoko gaien berri ematen diegu bazkideei:

Lehenengoa: Athletic Clubeko estatutuen 27. artikuluak arautzen duenaren arabera, Batzarra baliozkotasunez eratuko da, lehen deialdian, batzarreko kide guztien erdia gutxienez bertaratzen bada. Bigarren deialdian, nahikoa da batzarreko kide guztien ehuneko hamarra bertaratzeaz.

Bigarrena: Estatutuen 25. artikuluaren arabera, nortasun agiria aurkeztea eskatuko da Batzar Nagusia egingo den aretora sartu ahal izateko

Bilbon, 2013ko urtarrilaren 30ean

Presidentea
Josu Urrutia Telleria jn.

Idazkaria
Javier Aldazabal Etxebarria jn.