Paolo Maldini, San Mamesen

Paolo Maldinik San Mames bisitatu zuen Real Club Celtaren aurkako partida jokatu baino lehen eta gure taldeko partaideak hotelean bisitatu ondoren. Gure aldagelak eta zelaiko beste toki batzuk ezagutu zituen eta norgehiagoka zuzenean palkotik ikusi ahal izan zuen.

Atsedenaldian San Mameseko zaleen beroa sentitu zuen “One Club Man Award” Joxe Anjel Iribar eta Eñaut Arroitajauregi jokalari gaztearen eskutik jasotzean eta jada etxerako bidean dago.