Beste garaipen bat, bosgarrena jarraian

Bosgarren garaipena jarraian lortu du Joseba Agirreren taldeak. Malagaren aurka Nekane eta Lucia Garcia zuri-gorrien golegileak izan dira. Golak lehen zatian izan dira.

Zuri-gorrien hasiera onari esker, 6. Minutuan lehen gola egin dute; Lucia Garciak barne pasea eman dio Nekaneri eta abantaila osoz baloia sare barruan sartu du. Morazak aukera bikaina izan du bigarrena egiteko, baina Chelseak kornerra bidali du Morazaren jaurtiketa 16. minutuan. Zuri-gorriek jokaldia errepikatu dute 32. minutuan: Erika Vazquezek Lucia Garciarekin egin du eta aurrelariak Malagako atezaina driblatu ostean ez du huts egin.

Bigarren zatian, abantailak lasaitasuna eman dio Joseba Agirreren taldeari eta baloiaren jabetza izan du; etxekoek, aldiz, ez dute gol aukerarik izan garaipena aurriskutan jartzeko. 59. minutuan, Athleticek aukerarik onena izan du, Eunateko erdiraketa batean.