Gonbidapenak emakumezkoen Koparako bertoko irrati-etxeetan

San Mames surtan nahi dugu, eta ez soilik igandean Real Betis Balompieren aurkako lehian, baizik eta urtarrilaren 30ean, asteazkenean, 19:00etatik Aurrera gure emakumezkoen taldea Kopako finalerdietara eramaten laguntzeko.

Horretarako neurri batzuk hartu ditugu. Hasteko bazkideak doan sartuko dira -gehi balizko gonbidapen bi eskuratzeko aukera txartela bakoitzeko-; Fundazioaren Club Athleticeko kideak ere musutruk sartuko dira -lagun batentzako beste sarrera bat lortzeko aukerarekin-, Gazte Abonoa dutenek ez dute ordaindu beharko eta 18 urtetik beherakoek ere ez dute sosik gastatu beharko. Horretaz gainera, Athletic Clubek euren entzuleen artean zozketatzeko gonbidapenak eskaini dizkie 13 irrati-etxeri.

Zehatz-mehatz gonbidapenak zozketatuko dituzte Bizkaia Irratia, Radio Popular, Radio Bilbao, Onda Cero, Radio Nervion-Telebilbao, Radio Euskadi, Euskadi Irratia, Onda Vasca, Radio 7-Tele 7, RNE, Oye Radio, Cope Bilbao eta Radio Marca irrati-etxeek.